Dita e 66 e protestës/ Qytetarët mblidhen në sheshin “Skënderbej”

Qytetarët kanë nisur marshimin drejt godinës së Kryeministrisë, në protestën kundër qeverisë së Edi Ramës, me një mesazh të qartë: dorëheqja e kryeministrit është kërkesa e tyre e panegociueshme.

Me pankarta në duar dhe thirrje kundër qeverisë, protestuesit janë nisur drejt bulevardit “Dëshmorët e Kombit”, ndërsa turma vijon të zgjerohet në rrugët e kryeqytetit.

“Rama jep dorëheqjen!” dhe thirrje të tjera kundër qeverisë janë dëgjuar gjatë marshimit, ndërsa qytetarët shprehen se kanë dalë në protestë për të kërkuar ndryshim politik.

Protestuesit deklarojnë se nuk do të tërhiqen nga kërkesa e tyre dhe se largimi i Edi Ramës nga posti i kryeministrit është kushti kryesor i këtij mobilizimi qytetar.

Protesta vijon para Kryeministrisë, ku priten fjalime dhe mesazhe nga organizatorët dhe qytetarë.