Kreu i Grupit Parlamntar ka reaguar gjatë ditës së sotme pas publikimit të përgjimeve nga ish zëvendës kryeministri Arben A...
POLITIKE
"Dje Rama ishte në siklet të madh"/ Aktivisti: Më 12 shtator diaspora është në shesh, Kryeministria është e popullit
PiranjatPërditësimi i fundit 9 Shtator 2026, 20:28
Një aktivist ishte nja nga folësit në protestën e 102-të e cila po zhvillohet aktualisht përballë kryeministrisë. Gjatë fjalës së tij para protestuesve, aktivisti deklaroi se më 12 shtator e gjithë diaspora është në shesh, pasi Kryeministria është e popullit.
Ai theksoi se emigrantët të cilët ndodhen në Londër janë nisur drejt Tiranës, ndërsa bëri thirrje për më shumë pjesëmarrje në protestat kundër qeverisë.
Sipas tij, Rama ndodhet nën presion të madh pas publikimit të materialeve të fundit. Kjo duke pretenduar se Yeffet është kontraktuar nga kryeministri për të kryer “punë të këqija”.
Aktivisti: Dje Rama ishte në siklet të madh. Edi Rama është i Ronit, ai amerikano-izraeliti. Edi Rama e ka kontraktuar për punët e këqija. Po ta mendosh, para se ta kontraktonte ky për punët e këqija, ose para se ky personazhi misterioz, kishim kryeministrin që premtonte se do të prodhonte armë, tanke, por skemën na e tregoi Roni. Na e bëri publike marrëveshjen që kishin pasur kur ky ishte kreu i organizatës dhe ai në arrati ishte zv. i kreut të organizatës.
Ato që na i shitën si inovacione dhe zhvillime, paskan qenë si ndërmjetësi. I marrim automjetet dhe armët, i fusim ilegalisht, i paketojmë, i marrim paratë dhe më pas armët përfundojnë në fushë-etej. Ky është sikleti më i madh i Ramës pas protestës.
Nuk është njoftuar nëse nesër ka Kuvend apo jo, por nëse ka, duhet të jemi atje që të ballafaqohemi me deputetët që duan t’i ikin qytetarëve. Mos harroni, më 12 shtator diaspora ka njoftuar ardhje masive në Bulevard. Madje diaspora e Londrës, që ka më shumë rrugë për të bërë, është nisur dhe është rrugës për në Shqipëri.
I bëj thirrje shqiptarëve, diasporës, që më 12 shtator të marrin automjetet, të presin biletat e avionit dhe të vijnë t’i drejtohemi Edi Ramës se Kryeministria është me popullin, as me Ramën, as me Ronin.
