Do ti bashkohen protestës/ Me flamuj kuq e zi, nis hyrja në atdhe e autokolonës së mërgatës

Tirana pritet të jetë sot qendra e një proteste mbarëkombëtare pasi pritet të marrin pjesë dhjetëra mijëra qytetarë nga e gjithë Shqipëria, por edhe shqiptarë të ardhur nga diaspora.

Një grup emigrantësh shqiptarë është nisur prej ditësh nga Anglia me automjete private për t’iu bashkuar protestës në Tiranë. Gjatë rrugëtimit, karvanit i janë bashkuar edhe bashkatdhetarë nga Franca, Gjermania, Austria dhe vende të tjera europiane, duke formuar një kolonë makinash me flamuj kuqezi drejt Shqipërisë.

Emigrantët kanë publikuar një video në rrjetet sociale ku tregojnë se ka nisur hyrja në atdhe e autokolonës së mërgatës nga pika kufitare e “Murriqanit, por edhe nga pika të tjera.