16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Çepani: Tatimet kanë nisur të kalkulojnë pagat e gjyqtarëve me formulën e re, edhe pse ende nuk janë paguar
PiranjatPërditësimi i fundit 10 September 2026, 20:44
Aktivistja Edlira Çepani ka komentuar situatën e krijuar lidhur me pagat e magjistratëve, duke deklaruar se sistemi i Tatimeve ka nisur të kalkulojë pagat sipas formulës së re, edhe pse gjyqtarët e prokurorët ende nuk i kanë marrë ato. Çepani shprehet se e ka mësuar këtë nga komunikimi që ka patur sot me disa gjyqtarë.
Çepani tha se kjo situatë me pagat krijon probleme në raport me respektin dhe hierarkinë mes pushteteve, duke theksuar se gjyqësori duhet të ketë gjithmonë fjalën e fundit për të garantuar balancën me pushtetet e tjera.
“Isha në kontakt sot me disa gjyqtarë dhe ka filluar sistemi i Tatimeve e kalkulon me formulën e re, domethënë ata pagën s’e kanë marrë, por Tatimet e kalkulojnë me formulën e re. Ka një problem i cili s’është i mirë, për shkak të respektit dhe hierarkisë që kanë pushtetet me njëri-tjetrin.
Gjyqësori duhet të ketë gjithmonë zërin e fundit, dorën e fundit, sepse prandaj është aty, që të krijoj balancë me pushtetet e tjera. Kur ndihen keq gjyqtarët, apo ndihen të kërcënuar gjyqtarët, mendoni s’i ndihen ata mësuesit që i kërcënojnë se kanë qenë në protestë, apo se ngrenë zërin për ndonjë rritje page, mendoni sa i madh është presioni te qytetarët e thjeshtë.
Të gjitha këto problematika që krijohen janë krisje të marrëdhënieve, mes qytetarëve dhe institucioneve, mes sistemeve me njëri-tjetrin”, u shpreh ajo.
