Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
POLITIKE
Firmat për Shabanin/ Berisha: Unë e kuptoj që jeni mërzitur! Ato u tërhoqën, por ju kërkoj ndjesë
PiranjatPërditësimi i fundit 12 Dhjetor 2025, 20:00
Kryetari i Partisë Demokratike Sali Berisha gjatë ‘Foltores’ në Elbasan, ka kërkuar ndjesë dhe komentoi zgjedhjen e Endri Shabanit nga Rama, duke përdorur firmat e deputetëve të demokratë, që më pas u tërhoqën, por që mazhoranca nuk i njohu.
Pjesë nga fjala e kreut të PD, Sali Berisha:
Ne bëjmë dhe gabime.
Gabim ishte shumë ajo që ju patë dhe unë e kuptoj që ju jeni të mërzitur me këtë, me këto firmat ndaj Endri Shabanit, avokatit të Edi Ramës.
Dhe u kërkoj ndjesë unë juve dhe të gjithë shqiptarëve për ato firma që janë vënë, të cilat në të vërtetë u dhanë në një periudhë që u krijua një mbështetje për kandidatin e pavarur për Tiranën, nga të gjitha partitë politike.
Por ato firma u tërhoqën, ta dini mirë. Megjithëse u tërhoqën me firmë. Secili që firmosi, me firmë tërhoqi firmën.
Natyrisht, Edi Rama në mënyrën më të pa skrupull, e zgjodhi atë. E gëzoftë edhe Shabanin e tij. Ne do t'i përgjigjemi.
Nesër mblidhet kryesia dhe i komunikon të gjitha vendimet.
Por, mbi të gjitha, kryesia do marrë vendimet për t'u angazhuar në betejën vendimtare, betejën finale. Kjo është beteja finale e demokratëve.
