Një pikë karburanti është grabitur në orët e para të mëngjesit në qytetin e Klosit, në Mat.
Sipas të dh&...
POLITIKE
Frikë nga protesta/ Rama zhvendos takimin me ministrat në Sauk! Blindon rrugën me policë deri tek Vila e Kuqe
PiranjatPërditësimi i fundit 28 August 2026, 17:24
I frikësuar nga protesta e paralajmëruar para selisë së Partisë Socialiste, dhe për të shmangur përballjen me protestuesit, Kryeministri Edi Rama ka zhvendosur takimin me ministrat e kabinetit qeveritar dhe drejtuesit politikë në qarqe nga selia e PS-së në një nga vilat në periferi të kryeqytetit, më saktësisht në Sauk.
Takimi i cili ishte parashikuar të niste në orën 17:30 është zhvendosur në orën 18:00 në ambientet e vilës së kuqe në Sauk.
Ndërkohë kryeministri Edi Rama ka blinduar rrugën e Elbasanit me policë deri tek vila e kuqe.
'Policët kanë qenë çdo 5 metra. Zhvendosja u bë pasi protestuesit paralajmëruan gjithashtu se do të kenë me vete edhe vezë, si formë kundërshtimi ndaj qeverisë"
Në orën 17:00 kryeministri Edi Rama ka mbërritur në vilë ndërsa më pas hynë dhe kreu i ri i AKSHI-t Igli Tafa, Ministri i Mbrojtjes Ermal Nufi, kreu i grupit parlamentar të PS-së, Taulant Balla
Mbrëmjen e djeshme protestuesit njoftuan se do të grumbullohen sot para selisë së Partisë Socialiste, pikërisht në orarin kur pritet të mbërrijnë ministrat dhe drejtuesit politikë socialistë.
“Ai që do të duhej të ishte një takim rutinë i Edi Ramës me drejtuesit politikë të qarqeve dhe me ministrat, që ishte parashikuar për t'u mbajtur në selinë e Partisë Socialiste, ka marrë një kthesë dhe është kthyer në një kokëdhimbje për kryeministrin, prej momentit kur mbrëmjen e djeshme protestuesit deklaruan se do të zhvendosnin protestën sot para PS-së, informon gazetarja e Syrit, Ambrozia Meta.
Gazetarja informon se ka pasur një kakofoni informacionesh ose ndoshta dhe një tendencë për të ngatërruar informacionet për të eliminuar mundësinë që protestuesit të shkojnë dhe të protestojnë aty ku kryeministri do të mbante takimin, pasi është artikuluar përgjatë ditës së sotme edhe mundësia që kjo mbledhje të zhvillohet në Pallatin e Brigadave.
Foto: Blindohet rruga e Elbasanit në Tiranë
Pritet që në këtë takim të sotëm Edi Rama së bashku me drejtuesit politikë të qarqeve të zyrtarizojë edhe datën e mbledhjes së Asamblesë së Partisë Socialiste.
Prej 3 muajsh mijëra qytetari dalin çdo ditë në protestë para kryeministrisë duke i kërkuar dorëheqjen e kryeministrit Rama dhe gjithë kabinetit qeveritar.
Pritet që temë diskutimi të jetë dhe reforma territoriale sipas të cilës Rama kërkon shkrirjen e 15 bashkive.
