Ish-deputetja socialiste Ledi Shamku denoncon arrestimet e dy aktivisteve pas protestës

Ish-deputetja e Partisë Socialiste, Ledi Shamku ka reaguar publikisht pas arrestimit të dy aktivisteve gjatë protestës së zhvilluar sot, duke shprehur solidaritet me to dhe duke kritikuar ndërhyrjen e autoriteteve.

Në rrjetet sociale, Shamku shkruan se antropologia gjuhësore Carrie Ann Morgan dhe artistja e ilustratorja Elsa Paja u arrestuan gjatë protestës, duke i cilësuar si "shpirtra të lirë" dhe mbrojtëse të kauzës për Vjosë-Nartën.

“Mendoj se nga sot, slogani më i gjetur i kësaj proteste është: ‘Po ti, nga cila anë e gardhit je?’”, shkruan Shamku.

Në fund të reagimit të saj, ajo u bën thirrje mbështetësve të mblidhen pranë Komisariatit nr. 3 në Tiranë, ku sipas saj po mbahen të arrestuara Carrie Ann Morgan dhe Elsa Paja.