Ja sa është pasuria e familjes së kryeministrit Rama për vitin 2025

Janë publikuar të dhënat e deklarimit të pasurisë për vitin 2025 të kryeministrit Edi Rama dhe familjes së tij, ku rezultojnë ndryshime në të ardhurat, llogaritë bankare dhe asetet financiare.

Sipas deklarimit, kryeministri Edi Rama ka raportuar rreth 10.9 milionë lekë (afërsisht 110 mijë euro) të ardhura nga burime të tjera përveç pagës së tij si kreu i qeverisë. Ende nuk dihet se sa pasuri i ka të fshehura.

Në dokumentin publik nuk specifikohet burimi i këtyre të ardhurave, ndërsa paga vjetore e deklaruar e tij është rreth 3.4 milionë lekë. Gjithashtu, llogaria bankare e kryeministrit është shtuar me rreth 349 mijë lekë gjatë vitit.

Bashkëshortja e tij, Linda Rama, ka deklaruar rreth 6.7 milionë lekë të ardhura nga punësimi, ekspertiza dhe qiradhënia. Ajo ka vijuar shlyerjen e dy kredive bankare, ku pagesat gjatë vitit kapin rreth 338 mijë lekë dhe mbi 23 mijë euro, ndërsa detyrimet e mbetura mbeten në nivele të konsiderueshme në lekë dhe euro. Po ashtu, pas rivlerësimit, një apartament 118 metra katrorë figuron me vlerë rreth 19.2 milionë lekë.

Në deklarim përfshihet edhe djali i kryeministrit, Gregor Rama, i cili raporton ndryshime në kursimet dhe investimet e tij. Llogaritë bankare i janë shtuar me rreth 8 mijë e 200 euro dhe mbi 108 mijë lekë, ndërsa fondet e investimit janë pakësuar me rreth 16.4 mijë euro. Ai deklaron gjithashtu mbi 1 milion lekë të ardhura të tjera dhe një ulje të gjendjes cash.

Të dhënat e publikuara pasqyrojnë pasurinë dhe lëvizjet financiare të familjes Rama gjatë vitit 2025, sipas deklarimeve zyrtare.

Galeria fotografike (

)