Të shtëna me armë janë regjistruar pak më parë në Kurbin.
Si pasojë e kësaj dyshohet se ka mbetur i plagosur nj&eu...
POLITIKE
Këlliçi: Asnjë marifet nuk e shpeton dot palloshin e gjatë!
PiranjatPërditësimi i fundit 22 Janar 2026, 19:32
Deputeti i Partisë Demokratike, Belind Këlliçi, ka publikuar një postim në Facebook ku akuzon kryeministrin Edi Rama se ka shpërdoruar një mundësi për t’u treguar si shtetar dhe e përshkruan atë si një “sundimtar me përmasa të vogla”.
Sipas Këlliçit, Rama tenton të paraqitet si zgjidhës i paqes dhe si prestigjator në arenën ndërkombëtare, por nuk mund të fshijë lidhjet e tij me krimin dhe korrupsionin.
Deputeti i PD-së thekson gjithashtu se sjellja e Ramës në Kuvend nxit përçarje dhe tension, ndërsa thotë se qytetarët shqiptarë do të tregojnë qëndrimin e tyre më 24 janar.
Postimi i Këlliçit:
Asnjë marifet nuk e shpeton dot palloshin e gjatë! Edi Rama shpërdoroi sot një rast tjetër për t'u treguar shtetar sado me sforcim dhe shfaqi sërish veten me permasat e vogla të një sundimtari lindor.
Duke e paraqitur veten gjasme si i zgjedhur per paqen, pas fteses që Shqipëria ka marrë për të qënë pjesë e bordit për Gazën, Rama çalltisi në fakt si kreu i organizatës, si babloku, si palloshi.
Edhe sot në Kuvend nxiti luftë, ndasi, krijoi tension, përçarje, konflikt. Ai ka iluzionin se mori green-card për aferat korruptive dhe lidhjet me krimin. Por, asnjë marifet nuk i fshin rekordet. Bën si prestigjator, sikur nxjerr nga menga asin amerikan, por hija e korruptimit të McGonigal nuk zhduket. Sepse dosja është aty.
Favorizimi i kartelit Sinaloa, nuk shnderrohet dot në partneritet strategjik, sado ishuj të falesh. Asnjëhere një kukull e Sorosit e konvertuar vonë, s'mund dhe s'do të marrë liçense nga administrata Trump për narkoshtetin, për të shtypur lirinë e shprehjes e për të persekutuar opozitën.
Janë thjesht gjestet e një të dëshpëruari që kerkon të fitojë kohë, falë rrethanave që për momentin mund t'i ketë disi në favor.
Për më tepër, sado kirurgji të bëjë, surrati i tij kriminal e korruptiv është i njohur këtu, nga shqiptarët. Shoku i Belindës së Tunelit, kreu i organizatës, përgjegjësi për korrupsionin e varfërinë, nuk e shet dot veten në fundin e tij, për dikë që nuk është.
E shtuna do ta tregojë. Bashkimi i madh i qytetarëve në Bulevard që duan drejtësi e qeverisje të mirë, me 24 janar do ta dëshmojë. Shqiptarët s'kanë më kohë për ty, boll të kanë dhënë nga jeta dhe pasuria e tyre! Boll më!
