Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
POLITIKE
Këlliçi: Krimi dhe korrupsioni qeveritar sot ka vetëm një arkitekt, ai quhet Edi Rama!
PiranjatPërditësimi i fundit 16 December 2025, 15:48
Deputeti i Partisë Demokratike, Belind Këlliçi, ka reaguar pas hetimeve të SPAK dhe masave të sigurisë të vendosura nga Gjykata e Posaçme ndaj disa zyrtarëve të Agjencisë Kombëtare të Shoqërisë së Informacionit (AKSHI). Sipas deputetit të PD-së, hetimet shkojnë përtej rasteve individuale të korrupsionit dhe prekin, sipas tij, edhe lidhje familjare me kryeministrin Edi Rama.
Këlliçi shtoi se drejtësia nuk duhet të ndalet vetëm te zyrtarë teknikë, por duhet të hetojë përgjegjësitë në nivele më të larta. SPAK mbërriti edhe në “kopshtin privat” të Ramës, AKSHI me akuzën e “grupit të strukturuar kriminal”.
E kemi denoncuar me emra, me skema, me fakte prej kohësh, madje e “pluguar” mirë qysh 10 muaj më parë nga gazetarë kurajozë. Fijet të çonin deri tek baxhanaku i kryeministrit. E patëm thënë se në këtë rast problemi nuk është thjesht korrupsioni i zakonshëm, por arkitektura e thellë e pushtetit kriminal të Edi Ramës.
Por zemra e strukturës rreh ende e qetë, me gjithë zbarkimin e SPAK në trupin e kalbur të AKSHI-t. Fakti se drejtësia mbërriti tek lidhjet familjare të kokës së (anti)sistemit, e bën edhe më të rëndësishëm këtë hap. Jo si fund, por si fillim i domosdoshëm. Drejtësia nuk mund të mjaftohet me kurbanë “teknikë”, se mbetemi ende tek administrimi i dëmit. Duhet guximi për të ndalur një herë e mirë “gjeneratorin” e narkoshtetit shqiptar.
Nëse ndalet tek zhurma e skajeve, ky “central” kriminal do të riciklojë krimin me emra të rinj.
Krimi dhe korrupsioni qeveritar sot ka vetëm një arkitekt: ai quhet Edi Rama!
