Pas qëndrimit për gati dy orë para ministrise se Arsimit, studentët e Mjekësisë, të mbështetur edhe nga pedagogët ...
POLITIKE
Këlliçi: Rama zhytet në verëra 33 mijë euro shishja, ndërsa qytetarët përmbyten nga uji!
PiranjatPërditësimi i fundit 9 January 2026, 11:36
Deputeti i Partisë Demokratike, Belind Këlliçi, ka akuzuar kryeministrin Edi Rama për shpërdorim luksi dhe mungesë përgjegjësie përballë përmbytjeve që prekën vendin ditët e fundit.
Në një postim në FB, Këlliçi shkruan se arsyeja pse qeveria nuk shpall gjendjen e jashtëzakonshme lidhet me detyrimin për të dëmshpërblyer dëmet e shkaktuara nga keqmenaxhimi i infrastrukturës dhe, siç ai shprehet, nga vjedhjet e një grupi të strukturuar kriminal brenda qeverisë.
Ai thekson se, ndërsa për qytetarët nuk ka fonde, paratë publike shpenzohen për verëra luksoze, udhëtime private dhe ekspozita arti.
Postimi:
Qeveria zhytet në verëra të shtrenjta 33 mijë euro shishja ndërsa qytetarët përmbyten nga uji!
Për të gjithë ata që akoma pyesin pse Edi Rama nuk e shpall gjendjen e jashtëzakonshme, arsyeja është krejt e thjeshtë.
Në atë rast atij do t’i duhej të dëmshpërblente çdo qindarkë nga dëmet të cilat keqmenaxhimi i tij në infrastrukturë dhe vjedhjet e grupit të strukturuar kriminal në qeveri, u kanë shkaktuar qytetarëve.
Mirëpo para për qytetarët nuk ka.
Para ka për verërat Romanée Conti, për charter privat, për jahte luksoze, për qindra apartamente, për ekspozita arti!
Nëse paratë do shkonin tek qytetarët atëherë si do e jetonin luksin politikanët si Edi Rama?
