Një operacion i gjerë policor është zhvilluar mëngjesin e kësaj të marte në Bashkinë Bakirkoy të Stambollit, n...
POLITIKE
Këshilli i Mandateve për Ballukun/ Bardhi flet pas mbledhjes: Kyçën USB-në për t’i dhënë alibi të pandehurës
PiranjatPërditësimi i fundit 19 December 2025, 15:44
Kreu i Grupit Parlamentar të PD, GAzment Bardhi ka folur për mediat pas përfundimit të mbledhjes së sotme të Këshillit të Mandateve.
Ai u shpreh se opozita ka kërkuar që mbledhja të zhvillohej në mënyrë transparente për publikun, ndërsa shtoi se nëse do të ishte respektuar qëndrimi i 5 anëtarëve të opozitës në Këshillin e Mandateve do të ishte zbuluar edhe data e mbledhjes së radhës.
Gazment Bardhi: Kërkuam që mbledhja e sotme të ishte transparente për qytetarët, për përfaqësuesit e medias dhe e hapur për opinionin publik. Kërkesa nuk u mor në konsideratë.
Sot jemi marrë vetëm me procedurën. E para ishte nëse deputetët ishte apo e drejtë të kishin të plotë dosjen e sjellë nga SPAK. Ajo që deputetët e opozitës e kanë thënë gjithë këto ditë, u konfirmua nga SPAK. Po, secili deputet anëtar i Këshillit të Mandateve duhet ta ketë të plotë. Kyçën USB-në për t’i dhënë alibi të pandehurës se nuk ka lexuar të plotë materialin.
5 anëtarët e opozitës në komision kërkuan që mbledhja të ndërpritej. Deputetët të pajiseshin me materialin e plotë dhe të dëgjonin prokurorinë dhe të pandehurën Balluku të hënën në mëngjes. U zbulua skenari që Rama nuk e ka vendosur ende se ccfarë do të bëjë me Ballukun që të shohë deri ku shkon përgjegjësia e tij dhe çfarë të dhënash ka për atë në dosje.
