Në fjalën e saj në Komisionin për Evropën dhe Punët e Jashtme, deputetja e PD, Albana Vokshi ka ngritur me tone të forta &cce...
POLITIKE
Skandalet e qeverisë/ Florjan Binaj: Do të jem në çdo protestë!
PiranjatPërditësimi i fundit 18 December 2025, 20:35
Aktori i njohur Florjan Binaj ka paralajmëruar se do të jetë në çdo protestë që organizohet nga parti opozitare pas skandaleve të shumta të qeverisë.
Binaj i cili ka paralajmëruar se do të jetë kandidat për Bashkinë e Tiranës kurdo të mbahen zgjedhjet, thotë se protestat kundër qeverisë janë detyra bazë të çdo qytetari që nuk pranon të nëpërkëmbet dhe të vidhet.
Nëpërmjet një mesazhi, ai shkruan se të gjithë qytetarët pa dallime partiake duhet të dalin në rrugë për të ndalur qeverinë. “Ne duhet të ngremë zërin, të çohemi në këmbë dhe të bëhemi bashkë”, shkruan ai.
BINAJ:Protestat kundër qeverisë janë detyra bazë të çdo qytetari që nuk pranon të nëpërkëmbet, nuk pranon të vidhet dhe të nënçmohet. Kur qytetarët heshtin, qeveria trimërohet dhe abuzon e i shkel qytetarët e saj me këmbën e pushtetit. Kur qytetarët ngrenë zërin, çohen në këmbë, protestojnë së bashku, qeveritë tërhiqen dhe struken.
Sot është dita që të gjithë ne, të gjithë qytetarët, pa dallime partiake, t’i fusim frikën qeverisë dhe ta ndalim në këtë rrugë të mbrapshtë ku e ka futur Shqipërinë. Ne duhet të ngremë zërin, të çohemi në këmbë dhe të bëhemi bashkë.
Është shumë mirë që njerëzit po çohen por nuk është gjë e mirë që po çohen të ndarë në grupe të ndryshme. Unë do të bëhem pjesë e të gjitha protestave. Sot isha tek protesta e Adriatikut dhe e mbështetësve të protestës së tij, nesër do t’i bashkohem protestës së Partisë "Mundësia". Ditën e shtunë do ti bashkohem protestës së levizjes "Shqipëria Bëhet" , dhe ditën e hënë do të marr pjesë në protestën e organizuar nga Partisa Demokratike. Shpresoj shumë dhe uroj me zemër, që shumë shpejt do bëhemi të gjithë sërish së bashku, pa dallime politike, të gjithë si qytetarë!
