Qytetarët e Fushë-Arrëzit u helmuan një javë më parë nga uji i pijshëm. Lajmi konfirmohet nga Instituti i Shëndet...
POLITIKE
Konferenca e Kryetarëve/ Ironia e Gjekmarkajt drejt mazhorancës: Ligjet tuaja janë ‘Besa’ e Gysit dhe “Prania besnike” e projektuar nga sekseri i armëve Ron Yeffet
PiranjatPërditësimi i fundit 8 Shtator 2026, 12:53
Përmes një fjalimi therës me nuanca satirike në Konferencën e Kryetarëve, deputeti i PD Agron Gjekmarkaj ka denoncuar nënshtrimin e plotë të mazhorancës ndaj Edi Ramës dhe kthimin e Parlamentit në një fasadë qesharake. Gjekmarkaj goditi arrogancën e pushtetit që flak tej integrimin evropian për t’i shërbyer aferave të prapaskenës dhe kontrollit autokratik.
Gjekmarkaj ironizoi pretendimet e shumicës parlamentare duke propozuar me sarkazëm se ligjet e integrimit janë “pesë me hiç” përpara koncepteve të reja me të cilat po funksionon regjimi. Ai propozoi që në vend të kërkesave të Jorida Tabakut për integrimin në BE, Kuvendi të miratojë me urgjencë tri “nisma të larta”: ligjin “Besa” me konceptim nga Gysi, ligjin “Prania besnike” i projektuar nga sekseri ndërkombëtar i armëve Ron Yeffet, si dhe ligjin “Pasqyra” të sjellë nga Beqiraj në stil rokoko me balonë.
Teksa iu përgjigj Gazment Bardhit mbi akuzat se kryeministri po cenon pavarësinë e parlamentarizmit, Gjekmarkaj zbërtheu me ironi ekstreme servilizmin e deputetëve socialistë ndaj kreut të qeverisë.
“E ke gabim Gazment, keta ja bejne tete me dy atij dhe qeverise! Ramës i fërgëllojnë poturet si perdet nga era kur dritarja rri hapur kur kalon para këtyre zonjave e zotërinjve, kjo mazhorancë e ka aq për zemër parlamentarizmin sa ia bën terbiet pa gajle kryeministrit,” u shpreh deputeti demokrat.
