Ndarja e re territoriale dhe mundësia e bashkimit të Bashkisë Prrenjas me Librazhdin, kanë nxitur reagimin e qytetarëve, të cil&...
POLITIKE
Konflikti i minorenëve në Tik-tok përfundoi në vrasje/ I afërmit tregon si ndodhi krimi nga babai i agresorit (VIDEO)
PiranjatPërditësimi i fundit 17 Janar 2026, 19:31
Një konflikt mes dy të miturve, i nisur nga një bisedë në TikTok, përfundoi me vrasjen e një familjari të njërës palë. Vepra dyshohet se u krye nga Skender Krasniqi, babai i të miturit të dyshuar për therjen e të miturit A.Z. Ngjarja ndodhi në fshatin Zllakuqan të Lipjanit, në gusht të vitit 2024.
Sipas aktakuzës së Prokurorisë, gjithçka nisi pasi i mituri T.K. kishte therur me thikë djalin e Blerim Zanit. Pas këtij incidenti, dy familjarë të të miturit të lënduar u nisën drejt shtëpisë së të dyshuarit për të kërkuar sqarime.
Ata komunikuan fillimisht me familjarët e tij, por teksa po largoheshin nga oborri, panë sërish të miturin T.K., personin që kishte therur nipin e tyre, i cili në atë moment mbante një thikë në dorë.
Në aktakuzë thuhet se, pas përfundimit të bisedës, tani i ndjeri Florim Zani dhe Ilir Zani u nisën nga porta e shtëpisë drejt rrugës së fshatit. Aty vërejnë të miturin T.K., duke dalë nga pjesa e sipërme e oborrit.
Të mllefosur, Florim dhe Ilir Zani kthehen drejt tij dhe hyjnë sërish në oborr, ku nis një fjalosje. I mituri T.K. vazhdonte të mbante thikën në dorë, ndërsa të pranishmit i kërkonin ta lëshonte atë.
Por sipas aktakuzës, në ato çaste Skender Krasniqi, babai i T.K., ia merr thikën nga dora dhe, me qëllim që ta privojë nga jeta Florim Zanin, e godet dy herë radhazi.
Si pasojë e plagëve të marra, Florim Zani rreth orës 13:02 dërgohet në Qendrën e Mjekësisë Familjare në fshatin Magure të Lipjanit, ku mjekët konstatojnë vdekjen e tij. Lidhur me ngjarjen, para trupit gjykues të përbërë nga gjyqtarët: Gent Beka, Sulltane Hoti dhe Gazmend Bahtiri, dëshmoi babai i A.Z., Blerim Zani.
