Një studente e Mjekësisë, e cila i është bashkuar protestës përpara Ministrisë së Arsimit, ka ngritur shqetësi...
POLITIKE
Korreshi: Balluku ngërdheshet, Balla praqet ftesën që mori edhe Lukashenko, si triumf të madh
PiranjatPërditësimi i fundit 20 January 2026, 10:03
Seanca e parë e sesionit të ri parlamentar, ndonëse e parashikuar si ceremoniale, u shndërrua në një dramë politike që vë në pah tensionet e thella mes pushtetit dhe institucioneve të reja të drejtësisë. Prania në sallë e figurave politike nën hetim nga SPAK u interpretua nga analistët si një akt arrogance dhe një mesazh sfidues ndaj drejtësisë dhe opinionit publik.
Sipas deputetit të PD Saimir Korreshi i cili ishte i ftuar në emisionin e mëngjesit Kafe Shqeto në Syri tv, “një figurë publike e kërkuar nga drejtësia duhet minimalisht të tërhiqet nga skena politike, duke u përdorur analogjia me një klub futbolli që heq nga faqja zyrtare foton e një lojtari që refuzon të firmosë kontratën”.
Në sfondin e kësaj situate, debati për reformat kyçe, si ajo zgjedhore dhe territoriale, konsiderohet i pakuptimtë. Gjatë bisedës me moderatorin Flavio Qarri Korreshi vlreësoi se mazhoranca aktuale nuk ka vullnetin e sinqertë për të ndërmarrë reforma reale, duke pretenduar se çdo lëvizje e tyre është thjesht një kalkulim për të ruajtur pushtetin. Si shembull përmendet ofrimi i votës së diasporës si një lëshim minimal, ndërkohë që kërkesat thelbësore të opozitës injorohen.
Akuza më e rëndë që artikulohet është ajo se ekzekutivi po përdor mekanizmat parlamentarë për të krijuar një “koracë” imuniteti për zyrtarët e tij, duke minuar kështu punën e SPAK. Ky veprim interpretohet si një pakt i brendshëm i pushtetit, i përmbledhur në dilemën: “Ose do të shkojmë të gjithë bashkë në burg, ose do të mbrohemi reciprokisht me kartonët e deputetëve”. Një precedent i tillë konsiderohet jashtëzakonisht i rrezikshëm për të ardhmen e demokracisë në vend.
Flavio Qarri: Për parlamentarizëm dhe për kuvendim është pak e vështirë të flasim.
Saimir Korreshi: Po të them të drejtën, dje në qoftë se do të kishim një shtet normal, do të kishim një seancë normale, ajo ishte ceremoniale si seancë, që nis sesioni i ri parlamentar. Por prania aty e Ballukut pastaj, besoj bëhet, edhe pra në gjykimin tim, apo ku di unë çfarë të them, lidhjes me parlamentarizëm pastaj bie çdo gjë. Kthehet në kështjellë rëre dhe
Nuk, nuk di si t'jua përshkruaj, domethënë të vish me atë lloj arrogance, me atë lloj force, me atë ngërdheshje, domethënë para të gjithë shqiptarëve, do të thotë që ti i ke kthyer tani, të gjithë ata që janë në dyert e SPAK-ut, ata që kërkojnë të arrestohen, i ke kthyer pastaj, i ke ligjëruar dhe i ke dhënë dorën, për këtë vazhdimësi. Dhe kjo është drama, drama që po përjeton parlamentarizmi shqiptar, por në përgjithësi i gjithë shteti shqiptar.
Domethënë nuk, mundesh shqiptarët, nuk e kanë borxh shqiptarët që të kthehesh ose të ligjërosh apo të mbash një njeri që kërkohet të arrestohet. Minimalisht duhet ta hedhësh në atë, ku di unë, le të themi nga shkallët, por duhet ta hedhësh, ta heqësh dhe si foto, dhe kur ekipet zgjidhin një lojtar që nuk nënshkruan kontratën e heqin nga, faqet e tyre të futbollit, kështu që e njëjta gjë duhet të ndodhë edhe me të. Është, dramë për çfarë po ndodh në Shqipëri, kur në mes të këtij fukarallëku, në mes të kësaj përmbytje, në mes të këtij ftohti, nga të gjitha anët, shqiptarët duhet të durojnë dhe ngërdheshjen mbi të gjitha të atyre që kërkojnë të arrestohen. Prandaj që të them, edhe pse dje ishte një seancë që vetëm për fillim … nuk kishte rend dite, nuk kishte pika për të cilat do të diskutohej, sepse duan kohën e vet të rregullohen. Ajo seancë me ato që thotë Balla pastaj kur të vjen për të vjellë, më fal se po përdor këtë term, por kur bënte këto thoshte që ne do vazhdojmë, në kushtet e pushtetit, të gjithë, përfshi dhe ata që do të ishin mbrapa hekurave, për ato që po dëgjojnë, për ato që thuhet dhe për ato që po hetohet, ndërkohë që ne po na çohet përsëri shiko se ne do vazhdojmë dhe pa ju.
Kështu që, po qe se do të bëjnë reforma për të vjedhur dhe pa futur ata të tjerët në burg, le të vazhdojnë. Ne nuk jemi, te kjo pjesë. Prandaj po të them që ne, patjetër që duhet një reformë zgjedhore për atë çka kemi parë. Patjetër që duhet një reformë territoriale, por ju keni parë dhe koha ka treguar që këta, kurrë s'kanë, s'kanë bërë, nuk e di se dhe kurrë kaq s'kanë qenë ndonjëherë për të bërë reforma, por kanë bërë llogaritë e tyre, sepse në fund të ditës, këta dy opsione japin për shembull, siç ishte dhe në reformën e fundit zgjedhore, që ju mund të keni kërkesa plot, por ne maksimum mund t'ju japim vetëm, vetëm pjesën që të votojë diaspora. Pra, është e kotë me negociuar, me këta, nuk negociohet më, është e kotë të negociosh me çdo njeri që ka vjedhur votat, ka vjedhur ato mandatet për të qenë këtu dhe t'i tregosh sikur janë, po rregullojnë Shqipërinë. Po tregojnë atje të njëjtën ftesë që mori dhe Lukashenko, po ta tregojnë si, triumf të madh, ndërkohë që Kongresi amerikan, shikohet për reformën në drejtësi, dështim total të saj, ju e shikoni...
