16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Korreshi ironizon qeverinë: Fshati akoma te parmenda, ju na tregoni inteligjencën artificiale
PiranjatPërditësimi i fundit 17 September 2026, 20:03
Deputeti i Partisë Demokratike, Saimir Korreshi, ka ironizuar Qeverinë, në lidhje me përhapjen e inteligjencës artificiale në institucione.
Gjatë fjalës së tij në Kuvend, Korreshi tha me ironi se në fshat njerëzit janë akoma te parmenda, ndërkohë që Qeveria flet për inteligjencë artificiale.
Korreshi akuzoi gjithashtu Partinë Socialiste se përmes patronazhistëve, ka marrë ilegalisht çdo të dhënë të qytetarëve.
“Ne nga fshati jemi akoma te parmenda, ju po na çoni te Inteligjenca artificiale. Unë kam parë që qendrat shëndetësore nuk kanë as poç, nuk ka shkuar as energjia elektrike. Si do bëj ajo infermierja apo doktoresha në këto qendra shëndetësore, për të hyrë te sistemi juaj. Me ça mrrokulle do hyjnë. Do dali në pazar të gjejë një kamer me inteligjencë artificiale? Kjo është inteligjenca juaj artificiale. E nisët me Diellën, morët ca lekë. Aktorja tha më hiqni surratin se më morët më qafë. Kjo është situata. Pastaj ju thoni do vëmë kamera nëpër shkolla, kamera këtu e atje.
Ore i keni parë ndonjëherë sistemet sot si funksionojnë? Shkoni te Kadastra, 3 muaj nuk punonte ASHK se s’punonte mrrokulla. I morëm mrrokullat nga Lushnja në kurriz e i çuam në Fier. Ju keni sahatët në rrugë, po i shkel lopa, po i ha gomari, ju thoni Smart City.
Mos na merrni edhe të dhënat e kalamajve, se s’ka patronazhistë tuajët që s’na dinë edhe numrin e këmbës, me çorape të grisura apo jo, i kemi prerë thonjtë apo jo. Që në mëngjes atë punë bëjnë”, tha mes të tjerash Korreshi”,- ka deklaruar Korreshi.
