16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Adriatik Lapaj e thotë hapur: Për Tiranën do të mbështesim Florjan Binajn
PiranjatPërditësimi i fundit 10 September 2026, 22:24
Adriatik Lapaj deklaroi se lëvizja “Shqipëria Bëhet” vazhdon të mbështesë Florjan Binajn si kandidat për Tiranën dhe se deri më tani nuk ka asnjë vendim për ndryshimin e këtij qëndrimi.
I pyetur nga Erla Mëhilli nëse do të vazhdojnë ta mbështesin Binajn, pasi ky i fundit ka deklaruar se ka ambicie për të vazhduar kandidimin, Lapaj tha se vendimi për mbështetjen e tij është marrë nga kryesia e lëvizjes dhe mbetet në fuqi.
Erla Mëhilli: A do vazhdoni ta mbështesni Binaj për Tiranën? Sepse Binaj për shembull këtu në këtë televizion ka deklaruar që po, e ka ambicien për të vazhduar të kandidojë.
Lapaj: Ne vendimin për të mbështetur zotin Binaj e kemi marrë në kryesinë e lëvizjes. Ky vendim nuk ka ndryshuar deri tani. Nëse zoti Binaj do të mbajë fjalën siç e ka dhënë, që tha se pavarësisht nëse do të tërhiqen të gjithë të tjerët unë do ta vazhdoj garën, unë deri tani nuk kam legjitimitet nga kryesia që të them të kundërtën e kësaj që po them.
Ne vazhdojmë me kandidatin Florjan Binaj, të cilin e kemi mbështetur zyrtarisht.
Ne nuk i ndryshojmë vendimet tona se Adriatiku u çua mirë a u çua keq. Zoti Binaj pastaj do e vazhdojë apo jo garën e vendos vetë. Nëse “Shqipëria Bëhet” mblidhet dhe vendos në Këshill Kombëtar se nuk duhet ta bëjë, do njoftohet në vazhdim. Por deri tani, zoti Binaj është kandidati që ne e kemi mbështetur.
