Makina e re e Edi Ramës nuk qenka blerë nga shteti, por është marrë me qira. Dhe për pagesën, qeveria ka një sqarim: f...
POLITIKE
Largimi nga detyra si ministër, reagon Besfort Lamallari: Do t’i kthej nderin kryeministrit
PiranjatPërditësimi i fundit 11 Shtator 2026, 13:28
Besfort Lamallari, ka reaguar publikisht pas largimit nga detyra dhe zëvendësimit të tij nga Ervin Demo. Përmes një mesazhi në rrjetet sociale, Lamallari e ka cilësuar drejtimin e këtij dikasteri si një “libër jete”.
Në reagimin e tij, Lamallari nëvizon rëndësinë e përvojës së tij në Ministrinë e Drejtësisë dhe në atë të Brendshme, duke e konsideruar si institucionin ku u formua profesionalisht e politikisht.
“Nuk ka nder më të madh se t’i shërbesh vendit tënd, duke u përpjekur çdo ditë të japësh më të mirën tënde në përgjegjësitë që të besohen. Drejtimi i Ministrisë së Drejtësisë dhe në veçanti i Ministrisë së Punëve të Brendshme, institucioni ku u rrita profesionalisht, politikisht dhe mbi të gjitha si njeri është më shumë se sa një privilegj. Është ‘libri i jetës’ i cili të udhëzon drejt më tej në çdo stacion vijues,” shkruan Lamallari.
Më tej, ish-ministri shprehu falënderimet për kryeministrin, duke paralajmëruar kalimin në një pozicion të ri pranë tij: “Për këtë mundësi të jashtëzakonshme, mirënjohje gjithmonë Kryeministrit Edi Rama, të cilit tashmë do të kem kënaqësinë e veçantë t’ia kthej nderin e lartë dhe besimin tek unë edhe përmes angazhimit të ri si pjesë e ekipit të Tij.”
Në përmbyllje të mesazhit të tij, pasi falënderoi bashkëpunëtorët dhe familjen për mbështetjen, Lamallari i uroi sukses pasardhësit të tij në këtë post, Ervin Demos, i cili do të drejtojë ministrinë e riorganizuar.
“Ka qenë një rrugëtim i paharrueshëm me ekipin më të mirë në krah dhe i bekuar nga mbështetja deri në sakrificë e familjes time. Urime dhe mbarësi kolegut Ervin Demo. Jam i bindur që do të çojë përpara me sukses prioritetet e qeverisë dhe Ministrisë së Punëve të Brendshme,” përfundon deklarata e Lamallarit.
Nuk ka nder më të madh se t’i shërbesh vendit tënd, duke u përpjekur çdo ditë të japësh më të mirën tënde në përgjegjësitë që të besohen. Drejtimi i Ministrisë së Drejtësisë dhe në veçanti i Ministrisë së Punëve të Brendshme, institucioni ku u rrita profesionalisht, politikisht dhe mbi të gjitha si njeri është më shumë se sa një privilegj. Është ‘libri i jetës’ i cili të udhëzon drejt më tej në çdo stacion vijues. Për këtë mundësi të jashtëzakonshme, mirënjohje gjithmonë Kryeministrit Edi Rama, të cilit tashmë do të kem kënaqësinë e veçantë t’ia kthej nderin e lartë dhe besimin tek unë edhe përmes anagazhimit të ri si pjesë e ekipit të Tij. Ka qenë një rrugëtim i paharrueshëm me ekipin më të mirë në krah dhe i bekuar nga mbështetja deri në sakrificë e familjes time Urime dhe mbarësi kolegut Ervin Demo. Jam i bindur që do të çojë përpara me sukses prioritetet e qeverisë dhe Ministrisë së Punëve të Brendshme.
