Një aksident i rëndë rrugor është regjistruar në orët e para të mëngjesit në aksin Dukat–Orikum, n&eum...
POLITIKE
Lea Ypi kundër Ramës: Pjesëmarrja në Bordin e Paqes e rrezikshme për Shqipërinë. Pasojat do shihen shumë shpejt
PiranjatPërditësimi i fundit 21 Janar 2026, 22:34
Shkrimtarja Lea Ypi shprehet hapur kundër pjesëmarrjes së Shqipërisë në Bordin e Paqes. Përmes një postimi në rrjetet sociale, Ypi thekson se vendimi është i rrezikshëm dhe pasojat do të shihen shumë shpejt, por sipas saj do të jetë vonë. Në një reagim në rrjetet sociale, Ypi thotë se shpreson që qytetarët të gjejnë guximin për të refuzuar këtë propozim.
“Vendimi për t’iu bashkuar Bordit të Luftës të Trumpit – më falni, Bordit të Paqes – është një nga më me pasoja dhe më të rrezikshmit e viteve të fundit, siç do të bëhet e qartë shumë shpejt. Shpejt, por ndoshta tepër vonë. Edhe një herë, shtetet e vogla do ta gjejnë veten në mëshirë të historisë. Shpresoj që qytetarët të gjejnë guximin për ta refuzuar këtë propozim, guxim që udhëheqësve të tyre qartazi u mungon”, shkruan ajo.
Qeveria shqiptare miratoi me urgjencë pjesëmarrjen në Bordin e Paqes për Gazën dhe më tej për konfliktet globale i propozuar nga Presidenti Donald Trump.
Vendimi për pjesëmarrjen e Shqipërisë në këtë Bord do të miratohet nga Parlamenti seancën e së enjtes në Parlament, i cili mblidhet gjithashtu me urgjencë me firmat e deputetëve të Partisë Socialiste.
