16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Luçiana Kokaj paralajmëron Ramën: Në shtator do të jemi më shumë
PiranjatPërditësimi i fundit 31 August 2026, 20:39
Qytetarët janë mbledhur sërish para Kryeministrisë në protestën e 93-të, duke kërkuar largimin e kryeministrit Edi Rama dhe duke ngritur një sërë shqetësimesh që lidhen me jetën e përditshme, arsimin, shëndetësinë dhe pronën.
Aktivistja Luçiana Kokaj deklaroi gjatë protestës se tubimet do të vijojnë edhe gjatë shtatorit dhe paralajmëroi shtimin e pjesëmarrjes në protestat para Kryeministrisë.
“Shtatori do të na gjejë më të bashkuar, më të shumtë në numër dhe gati për aksionin e radhës derisa qeveria të largohet”, tha Kokaj.
Aktivistja renditi edhe arsyet që, sipas saj, po i mbajnë qytetarët në shesh. Ajo kërkoi një sistem arsimor të bazuar te meritokracia, një sistem shëndetësor që u shërben qytetarëve, funksionimin e shërbimit social dhe garantimin e së drejtës së pronës.
“Duhet të kemi një sistem arsimor, ku fëmijët të arsimohen me krenari. Ne duhet të kemi një sistem meritokracie, ku ata që e meritojnë të marrin vendin e punës. Duhet të kemi sistem shëndetësor që t’u shërbejë qytetarëve. Doktorët nuk duhet t’i shikojnë pacientët nga xhepat”, deklaroi Kokaj.
Ajo kërkoi gjithashtu funksionimin e shërbimeve sociale dhe të sistemit të drejtësisë, ndërsa ngriti shqetësimin për çështjen e pronës.
“Duhet të kemi një Shqipëri ku shërbimi social duhet të funksionojë. Duhet të kemi një Shqipëri ku drejtësia të mos jetë luks. Ne duhet të kemi një Shqipëri ku prona të shkojë te i zoti që i takon”, tha ajo.
Gjatë protestës, qytetarët ngritën gjithashtu shqetësime për mungesën e ujit dhe energjisë elektrike, ndërsa kërkesa politike e protestuesve mbetet largimi i qeverisë së drejtuar nga Edi Rama
Anuela Ristani ka reaguar pas shkarkimit nga detyra, vendim i marrë nga kryebashkiaku Erion Veliaj, teksa ky i fundit ndodhet pas hekurave. Ristani shprehe...
