Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
A...
POLITIKE
Maliqi akuzon Hajdarin për abuzime me taksat: Lagjet e Kuçovës dhe stadiumi në kushte të mjerueshme
PiranjatPërditësimi i fundit 16 Janar 2026, 09:01
Lefter Maliqi me anë të një reagimi në rrjetet sociale ka denoncuar gjendjen e lagjeve në Kuçovë, duke i cilësuar kushtet e jetesës të banorëve si të mjerueshme.
Ai akuzon bashkinë për abuzime dhe keqpërdorim të taksave të qytetarëve, ndërsa shprehet se kryetari Kreshnik Hajdari tallet me popullin duke bërë “show” me disa punëtorë dhe mjete pa rezultat konkret.
Maliqi e cilëson stadiumin e Naftëtarit si një turp dhe skandal, duke e lidhur drejtpërdrejt me paaftësinë e kryetarit Hajdari.
Sipas tij, ky i fundit është nën hetim dhe i dënuar për abuzime, ndërsa qyteti vazhdon të mbetet i braktisur dhe i degraduar si në fshat ashtu edhe në qytet.
“Te dashur banore te Kuçovës, jemi në një lagje tjetër mizerabël se si jetojnë këto njerëz se çfarë abuzimi ndodh në bashki.
Shikoni tani më pas keni dhe stadiumin e Naftëtarit, turp dhe skandal ky abuzues Hajdar me taksat e qytetarëve i dënuar nën hetim i paaftë i keqpërdorur tallet me popullin e Kucovës.
Bën show me disa punëtorë me disa mjete kot ndërkohë gjithë Kuçova në fshat dhe qytet janë një skandal i vërtetë.
Nuk ka se ku ta kapë më Hajdari bashkë me të tjerët që kërkojnë ta shpëtojnë nga varka ku është mbytur.
Të majtë dhe të djathtë duke ju parë në sy cdo gjë do të ndryshojë, Kucova do të kthehet në kantier ndërtimi, Kuçova do të jetë e parë në qarkun e Beratit dhe ndër më të zhvilluarat në shkallë vendi.
Ky stadium që shikoni këtu do ta kthejmë në kategorinë e parë dhe do ta rindërtojmë me kushte e standarte europiane. Gjysma e fondeve nga bashkia dhe gjysma e fondeve nga federata e futbollit.” thotë Maliqi.
