Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
POLITIKE
Mandati i Ballukut, Bardhi tregon prapaskenat pse mbledhja u bë me dyer të mbyllura
PiranjatPërditësimi i fundit 19 Dhjetor 2025, 19:07
Kryetari i grupit parlamentar të PD, Gazment Bardhi me një reagim në faqen e tij në Facebook ka bërë publik qëndrimin e mbajtur në mbledhje me dyer të mbyllura në Këshillit e Imunitetit dhe Mandateve në Kuvend.
Bardhi shkruan se, PD ka kërkuar që mbledhja të jetë e hapur dhe të votohet kërkesa e SPAK për heqjen e imunitetit të zv/kryeministres Belinda Balluku.
Reagimi i Gazment Bardhit:
Mbledhja me dyer të mbyllura e Këshillit të Mandateve për rastin ‘Balluku-Rama’ u bë për të fshehur të vërtetën, për të fshehur pengimin e drejtësisë që po bën Edi Rama dhe për të prodhuar lajme të rreme.
Qëndrimi i PD në mbledhje ka qenë i qartë:
1. Mbledhja duhet të jetë e hapur për publikun, ku secili deputet të jap llogari për qëndrimin e tij.
2. Mbështetje e plotë për kërkesën e SPAK dhe miratimi sa më parë i autorizimit.
3. Deputetët dhe e pandehura të kenë vetëm 3 ditë kohë për njohjen e provave, të cilat na u dhanë vetëm sot. 3-5 ditë kohë kërkoi edhe Prokuroria e Posaçme.
4. Mbledhja e ardhshme e Këshillit të bëhet të hënën, datë 22 Dhjetor 2025, ku Këshilli të rekomandojë dhënien e autorizimit për arrestim.
Edi Rama vendosi që të zvarrisë çështjen, duke e mbyllur mbledhjen pa caktuar një datë të mbledhjes së ardhshme.
Kjo përbën PENGIM TË DREJTËSISË.
Prokuroria konfirmoi se e pandehura Belinda Balluku po prish provat, duke intimiduar dëshmitarët. Është çështje e ngutshme miratimi i autorizimit nga ana e Kuvendit.
Anëtarët e opozitës do të kërkojnë mbledhjen e Këshillit të Mandateve, në fillimin e javës së ardhshme, për të shqyrtuar dhe miratuar kërkesën për autorizim të Prokurorisë së Posaçme.
