Marjana Koçeku: Të dielën protestohet në Shkodër kundër hapjes së konsullatës serbe!

Deputeti Marjana Koçeku ka njoftuar organizimin e një proteste në Shkodër kundër hapjes së konsullatës serbe në këtë qytet. Me anw tw një postimi nw Facebook, Koçeku ka lidhur këtë çështje me zhvillimet e fundit në Kosovë, ku sipas saj po vijojnë kërkimet për gjetjen e trupave të viktimave të luftës.

Ajo kritikoi mungesën e qartësisë nga institucionet shqiptare për arsyet dhe objektivat e hapjes së konsullatës, duke thënë se deri tani janë dhënë vetëm argumente që lidhen me diplomacinë, marrëdhëniet dypalëshe dhe interesat ekonomike. Sipas Koçekut, çështja nuk mund të trajtohet vetëm si një vendim administrativ apo diplomatik, pa marrë parasysh historinë dhe pasojat e luftës në Kosovë.

Para dy ditësh filluen gërmimet në Zubin Potok për gjetjen e trupave të viktimave të luftës së Kosovës. Dyshohet për nji varrezë masive me 23 intelektualë të vramë nga forcat serbe, ndërsa deri më tash janë gjetë trupat e 6 prej tyne. Dje, gjatë bastisjeve, u gjet edhe armatim, si dhe u arrestue nji person që kishte qenë anëtar i Armatës Jugosllave. Ndërkohë që po ndodhin të gjitha këto, shteti shqiptar flet për hapjen e konsullatës serbe në Shkodër. Po çfarë konsullate more?!

Deri më sot për këtë çështje ka vetëm sqarime të turbullta nga institucionet shqiptare, pra përpjekje me mos me sqaru hiç. Flitet për parime diplomacie, marrëdhanie bilaterale, përfitime ekonomike por harrojnë ma të randësishmen: realitetin e nji populli të masakruem. Të dielën pritet të nisin protestat në Shkodër kundër hapjes së konsullatës serbe. Kjo nuk asht nji punë që kalon lehtë. Ndërkohë që shteti shqiptar flet për konsullatë e fqinjësi të mirë me Serbinë, në Kosovë vazhdojnë të gjenden varre masive trupash të vramë edhe tash mbas 25 e kusur vitesh.