L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
POLITIKE
Marrëveshja me AADF/ “Na e shitën si amerikane”, ironizon Boçi: Njësoj sikur të blejmë një teleskop në Arizona dhe t’i themi shqiptarëve do kemi NASA-n te ura e Zaranikës
PiranjatPërditësimi i fundit 7 Maj 2026, 11:14
Deputeti Luçiano Boçi në fjalën e tij në Kuvend, është ndalur te marrëveshja e nënshkruar me AADF për krimin e Agjencisë Kombëtare të Shërbimeve Arsimore, për të cilën tha se qeveria e shiti si një institucion amerikan.
Boçi gjatë fjalës së tij nënvizoi se AADF është një institucion i pavarur , pra sipas tij është një, klientelist i ministres së Arsimit.
“Zoti Shehaj kërkon zbatimin e rregullores, të njëjtën gjë që unë kërkova seancën e kaluar kur mora edhe përjashtimin. Unë kam dëgjuar kryeministrin dje që në një takim krenar përcaktonte se agjencia e shërbimeve arsimore është bërë një institucion amerikan dhe ne anti amerikanët e kemi kundërshtuar një gjë të tillë. Por ka një përgjigje të ambasadës amerikane në lidhje me AADF, dhe kërkesa është nga një qytetare e Durrësit e interesuar për projektin TID. Dhe në përgjigje përcaktohet se AADF është institucion i pavarur ku Departamenti i Shtetit nuk ka asnjë rol mbikëqyrës. Pra lërini përrallat me amerikanë , sepse thjesht e ka marrë një privat, klientelistë të ministres së Arsimit. Po blen një teleskop në Arizona po e çojmë në Elbasan dhe po i themi gjithë Shqipërisë po e çojmë NASË-n te ura e Zaranikës”, tha ai.
