Gjatë protestës së zhvilluar përpara Ministrisë së Arsimit, studentët kanë shprehur revoltën e tyre jo vetëm m...
POLITIKE
‘Mbërritën te ‘kopshti privat’ i Ramës’/ Këlliçi: Fijet e hetimit të çojnë deri te baxhanaku i kryeministrit!
PiranjatPërditësimi i fundit 16 December 2025, 14:31
Ligjvënësi demokrat, Bleind Këlliçi ka reaguar pas hetimeve të SPAK dhe masave të sigurisë të lëshuara nga GJKKO tek institucioni i AKSHI-t’, në atë që PD e cilëson si ‘kopshtin privat’ të Edi Ramës.
Përmes një statusi në rrjetet sociale, Këlliçi shkruan se ‘më mirë vonë se sa kurrë’, lidhur me hetimet për abuzimet me tenderat e AKSHI-t.
Këlliçi thotë se edhe pse AKSHI është denoncuar me emra, me skema, me fakte prej kohësh, ku këtu i referohet edhe emisionit investiagtiv në Syri Tv, ‘Plug’, 10 muaj më parë, hetimet sipas tij të çojnë deri te baxhanaku i kryeministrit.
‘Nuk është thjesht korrupsioni i zakonshëm, por arkitektura e thellë e pushtetit kriminal të Edi Ramës’, citohet në reagimin e deputetit të PD.
‘Por zemra e strukturës rreh ende e qetë, me gjithë zbarkimin e SPAK në trupin e kalbur të AKSHI-t. Fakti se drejtësia mbërriti tek lidhjet familjare të kokës së (anti)sistemit, e bën edhe më të rëndësishëm këtë hap. Jo si fund, por si fillim i domosdoshëm’, shkruan Këlliçi.
Sipas tij, drejtësia nuk mund të mjaftohet me kurbanë “teknikë”, porse duhet guxim për të ndalur një herë e mirë “gjeneratorin” e narkoshtetit shqiptar, Edi Ramën.
Statusi
Vonë, por më mirë se kurrë!
SPAK mbërriti edhe në “kopshtin privat” të Ramës, AKSHI me akuzën e “grupit të strukturuar kriminal”.
E kemi denoncuar me emra, me skema, me fakte prej kohësh, madje e “pluguar” mirë qysh 10 muaj më parë nga gazetarë kurajozë. Fijet të çonin deri tek baxhanaku i kryeministrit. E patëm thënë se në këtë rast problemi nuk është thjesht korrupsioni i zakonshëm, por arkitektura e thellë e pushtetit kriminal të Edi Ramës.
Por zemra e strukturës rreh ende e qetë, me gjithë zbarkimin e SPAK në trupin e kalbur të AKSHI-t. Fakti se drejtësia mbërriti tek lidhjet familjare të kokës së (anti)sistemit, e bën edhe më të rëndësishëm këtë hap. Jo si fund, por si fillim i domosdoshëm.
Drejtësia nuk mund të mjaftohet me kurbanë “teknikë”, se mbetemi ende tek administrimi i dëmit. Duhet guximi për të ndalur një herë e mirë “gjeneratorin” e narkoshtetit shqiptar.
Nëse ndalet tek zhurma e skajeve, ky “central” kriminal do të riciklojë krimin me emra të rinj.
Krimi dhe korrupsioni qeveritar sot ka vetëm një arkitekt: ai quhet Edi Rama!
