VIDEO- Memaliaj/ Dita e dytë e protestës kundër draftit për shkrirjen e bashkisë

Dhjetëra banorë të Memaliajt kanë dalë sërish në protestë, duke shënuar ditën e dytë të kundërshtimit ndaj draftit që synon shkrirjen e Bashkisë Memaliaj, në kuadër të reformës territoriale.

Protestuesit pjesëmarrës janë qytetarë të thjeshtë, por edhe punonjës të administratës, të cilët, të mbledhur anës rrugës nacionale pranë qytetit, kanë kërkuar tërheqjen e këtij propozimi, duke shprehur shqetësimin se një vendim i tillë do të cenonte përfaqësimin dhe zhvillimin e zonës.

Me pankarta dhe thirrje në mbrojtje të Memaliajt, banorët kanë deklaruar se do të vijojnë reagimet e tyre edhe në ditët në vazhdim, duke kërkuar që zëri i komunitetit të merret në konsideratë.

Kjo është protesta e dytë e organizuar në Memaliaj pas tubimit të parë, i cili u shoqërua me pjesëmarrje të lartë të qytetarëve.