Milva Ekonomi tallet me Edi Ramën/ Detaji që ngre pikëpyetje në postimin e saj

Dy deputetet e Partisë Socialiste në Durrës, Milva Ekonomi dhe Aurora Mara, kanë shpërndarë në rrjetet sociale dy postera krejtësisht të ndryshëm për të njëjtin aktivitet që do të zhvillohet nesër në qytetin bregdetar, në kuadër të 35-vjetorit të Partisë Socialiste.

Posteri i publikuar nga deputetja Aurora Mara paraqitet më korrekt në aspektin vizual dhe komunikues, duke përdorur një foto aktuale të Edi Ramës dhe elementë grafikë në linjë me identitetin zyrtar të PS-së.

Ndërkohë, posteri i shpërndarë nga Milva Ekonomi ka tërhequr vëmendje për përdorimin e një fotografie të vjetër të Ramës, ku ai pothuajse nuk ngjan me imazhin aktual. Për më tepër, dizajni duket i realizuar në mënyrë amatore, me një montazh jo profesional dhe larg standardeve të komunikimit publik që pritet nga një deputete e mazhorancës.

Situata ngre pikëpyetje jo vetëm për mungesën e koordinimit mes deputetëve të së njëjtës forcë politike në të njëjtin qytet, por edhe për seriozitetin me të cilin trajtohen aktivitetet zyrtare të PS-së.

Si është e mundur që dy deputete të së njëjtës parti dhe për të njëjtin aktivitet të publikojnë dy postera të ndryshëm, pa asnjë standard të unifikuar?/Piranjat News