“Mirë është mos ta çojmë me penallti”/ Pankartat, zëri ndryshe i protestës

Protesta qytetare që po zhvillohet prej 17 ditësh në Tiranë ka vijuar edhe sot, ndërsa krahas thirrjeve dhe fjalimeve, vëmendjen e kanë marrë pankartat me mesazhe ironike dhe satirike kundër kryeministrit Edi Rama dhe qeverisë.Protestuesit kanë zgjedhur edhe këtë herë humorin si formë reagimi, duke ekspozuar mesazhe që lidhen me zhvillimet më të fundit politike në vend.

Një nga pankartat më të komentuara ishte ajo me shkrimin “Non Grata in Albania”, ndërsa një tjetër përcillte mesazhin: “Rama le të lehë, protesta ecën përpara”.

Në turmën e mbledhur para Kryeministrisë u shfaqën edhe pankarta që ironizonin debatin për Zvërnecin. Në njërën prej tyre paraqitej një dialog imagjinar në anglisht mes Ramës dhe Komisioneres Europiane për Zgjerimin, Marta Kos, me mesazhe që tallnin projektet e kontestuara në zonë.

Një tjetër pankartë sillte në mënyrë satirike një skenë të kryeministrit në mbledhjen e grupit parlamentar socialist, ku ai shfaqej i shqetësuar për përmasat që kanë marrë protestat dhe kërkonte një rrugëdalje nga situata.

Me kalimin e ditëve, pankartat kreative janë shndërruar në një prej elementeve më të spikatura të protestës, duke reflektuar përmes ironisë dhe humorit qëndrimet e protestuesve ndaj qeverisë dhe zhvillimeve politike në vend.

Galeria fotografike (

)