“Mln metra tokë të dhëna për fotovoltaikë”, Këlliçi paralajmëron padi: Zvërneci është fytyra e vërtetë e kësaj qeverie

Deputeti i PD , Belind Këlliçi, ka akuzuar qeverinë për dhënien e sipërfaqeve të mëdha tokash për projekte fotovoltaike, duke paralajmëruar se do të ndiqen rrugët ligjore për të kundërshtuar këto vendime.

Në një deklaratë publike, Këlliçi u shpreh se vendi po përballet me një proces që, sipas tij, po dëmton interesin publik dhe po favorizon privatizimin e pasurive të Shqipërisë.

“Sot vendi po grabitet. Zvërneci është fytyra e vërtetë e kësaj qeverie, dhunë kudo që është e mundur. Dhunë në Astir, Rrjoll dhe kudo tjetër. Miliona metra tokë janë dhënë në mënyrë të paligjshme për fotovoltaikë. Nuk mund të pranojmë që kryeministri të shpopullojë dhe privatizojë Shqipërinë”, deklaroi ai.

Këlliçi theksoi se opozita do të ndërmarrë hapa ligjorë për të kundërshtuar ato që i cilësoi si vendime të dëmshme për pronën publike dhe zhvillimin e vendit.