“Ne po na mbështet e gjithë bota”/ I riu në protestë i përgjigjet Ramës për turizmin: E di kryeministri që shqiptarët s’bëjnë dot pushime?

Që nga nisja e protestës, kryeministri Edi Rama ka bërë një sërë deklaratash kundër saj. Një nga argumentet ka qenë edhe prishja e imazhit të Shqipërisë dhe dëmtimi i turizmit.
Njëri prej protestuesve i ka kthyer përgjigje duke deklaruar se a është në dijeni ai që ka familje shqiptare që nuk shkojnë dot me pushime në bregdet.

I riu gjithashtu tha se protesta po suportohet nga e gjithë bota. “Kryeministri tha se kjo protestë po dëmton turizmin. A e di z. kryeministër se ka familje shqiptare që nuk kanë qenë kurrë në bregdet me pushime?Ne po na suporton e gjithë bota sepse guxuam të ngrejmë zërin kundër këtyre këtu”, tha i riu.