“Nuk ka dialog pa dorëheqje!”/ Rama për thirrjen e protestuesve: Disa më kanë shkruar që nga protesta e parë! Asgjë s’më lëviz…

Kryeministri Edi Rama thotë se asgjë nuk e largon nga “instikami” që e kanë vendosur qytetarët shqiptarë me votën e tyre, teksa komentoi thirrjet e vazhdueshme të protestuesve për Zvërnecin, për të dhënë dorëheqjen.

Në një komunikim pas mbledhjes së qeverisë, kryeministri tha se disa prej tyre i kanë shkruar që nga protesta e parë, ndërsa shtoi se është i gatshëm që të flasë me ata që nuk kanë dalë në protestë për një “episod të ri të një filmi të vjetër”.

“Dorëheqjen e kujt? Kam një përgjigje. Ti referohen arkivit të gjatë të këtij filmi të vjetër se tanimë këtu nuk ka asgjë të re. Unë nuk kam kërkuar të bisedoj me asnjë nga ata që për muaj janë të kurdisur dhe të çartur, por me ata që kanë votuar për mua. Disa prej tyre edhe më kanë shkruar edhe nga protesta e parë.

Kam respekt për ta dhe jam gati të bisedoj se ata nuk kanë dalë në protestë për të zhvilluar një episod të ri të një filmi shumë të vjetër. Kështu që ai film duhet tu tregojë të gjithëve se asgjë nuk më lëviz mua nga instikami ku më kanë vendosur shqiptarët.”, tha Rama.