Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Nuk ka transparencë/ Toni Blair, 100 mijë euro nga kontratat me Edi Ramën
PiranjatPërditësimi i fundit 6 Shtator 2026, 13:49
Instituti i Toni Bler ka përfituar mbi 94 milionë lekë ose 100 mijë euro nga qeveria Rama gjatë vitit 2025, ndërsa kontratat dhe shërbimet mbeten të paqarta për publikun. Në të njëjtën kohë, studioja ligjore e bashkëshortes së Blerit ka marrë mbi 2 milionë euro nga shteti shqiptar, duke ngritur pikëpyetje të forta për pagesat publike dhe përdorimin e parave të taksapaguesve nga qeveria e Edi Ramës.
Instituti i ish-kryeministrit britanik, Toni Bler, thotë se, gjatë vitit 2025, ka siguruar mbi 94 milionë lekë të reja ose rreth 100 mijë euro, nëpërmjet kontratave sekrete të nënshkruara me qeverinë shqiptare të Edi Ramës.Në bilancin tregtar të dorëzuar së fundmi, dega në Shqipëri e zyrës së konsulencës dhe lobimit, “Tony Blair Institute for Global Change”, e shqipëruar si Instituti i Toni Bler për Ndryshime Globale, deklaron se ka pasur një rritje të vogël në të ardhura, me rreth 5 mijë euro, krahasuar me një vit më parë. Në janar të vitit 2024, Instituti i ish-kryeministrit anglez hapi në zyrë në Shqipëri. Objekti i saj në vendin tonë është “Sigurimi i ekspertizës këshilldhënëse rreth fushave kryesore të politikave si dixhitalizimi i shërbimeve publike, planifikimi i rimëkëmbjes së Covid-19, projektet e infrastukturës dhe komunikimet strategjike”. Nga të dhënat publike është e paqartë se çfarë shërbimesh konkrete ofron kjo kompani për qeverinë shqiptare dhe sa do t’u kushtojnë taksapaguesve këto shërbime.
Qeveria dhe vetë kryeministri Edi Rama kanë vlerësuar publikisht rolin dhe ekspertizën e Toni Bler, megjithatë, deri më tani nuk rezulton të jetë bërë transparente asnjë kontratë me Institutin e ish-politikanit britanik. Kryeministri Rama nuk e ka fshehur asnjëherë adhurimin e tij për lidershipin e Toni Bler. Rama e ka konsideruar atë si një mik personal, i cili ka ofruar shpesh konsulencë pa pagesë për qeverinë shqiptare. Megjithatë, të dhënat zyrtare në bilancet tregtare tregojnë se Instituti i Toni Bler nuk operon falas në Shqipëri. Nga ana tjetër, “Omnia Strategy”, e cila është studioja ligjore e bashkëshortes së tij, Sheri Bler, ka përfituar më shumë se 2 milionë euro për përfaqësimin e Shqipërisë në Gjykatën e Arbitrazhit Ndërkombëtar, në çështjen e humbur përballë sipërmarrësit Italian, Francesko Beketi. Më herët, kryeministri Rama ka njoftuar publikun si Toni Bler dhe Instituti i tij do të përfaqësojnë qeverinë shqiptare “pro bono”, pra pa pagesë, në Gjykatën Ndërkombëtare, ku pritet të shqyrtohet përballja me Greqinë për delimitimin e kufirit detar.
