Kryeministri Edi Rama pritet të bëjë sot ndryshime në qeveri. Bëhet me dije se në mbledhjen e qeverisë, të parashikuar p...
POLITIKE
Nuk mori pjesë në Davos për 'Bordin e Paqes'/ Rama nuk e thotë sërish arsyen, flet për votimin në Kuvend
PiranjatPërditësimi i fundit 25 Janar 2026, 09:54
Kryeministri Edi Rama u shpreh në podkastin e tij “Flasim” se java ka nisur me një ftesë të rëndësishme nga Presidenti i Shteteve të Bashkuara, Donald Trump.
Sipas Ramës, bëhet fjalë për një ftesë personale për t’iu bashkuar Bordit të Paqes, një organizëm i ri ndërkombëtar i krijuar me iniciativën e Trump, ku Shqipëria është ftuar të jetë vend anëtar themelues.
Ai e cilësoi këtë ftesë si një zhvillim me peshë të veçantë politike dhe historike për Shqipërinë, duke falënderuar Shtetet e Bashkuara për vlerësimin dhe besimin e treguar ndaj vendit.
Rama theksoi se ftesa u mirëprit dhe u ratifikua edhe në Kuvendin e Shqipërisë me një mbështetje të gjerë, çka sipas tij dëshmon angazhimin e vendit për paqen dhe rolin aktiv në diplomacinë ndërkombëtare.
Por, kryeministri harroi sërish të shpjegonte arsyen e vërtetë pse nuk ishte në Bordin e Paqes, ditën e themelimit ashtu siç ishte Vjosa Osmani.
Rama: Realisht që ishte një ftesë e mirëseardhur, edhe pse nuk e dyshoja që do të kishte zhurmë dhe përpjekje për të bërë tollovi, nuk e mendoja që fantazitë dhe ligësia do të bashkoheshin për t’i dhënë jetë disa teorive dhe përrallave që duhet të jenë vërtet të rënda, që të arrihet deri në pikat ku u arrit.
Ftesa u mirëprit, u pranua dhe u ratifikua në një formë projektmarrëveshjeje dhe projektligji. Shqipëria, si një shtet që ka gjetur paqen si busullën e vet dhe që ka ditur të kontribuojë në tryeza të rëndësishme ndërkombëtare, e aprovoi me një “po” të fortë, edhe me votat e atyre që nuk lanë gjë pa thënë, përkatësinë në këtë bord.
