Teksa qytetarët shqiptarë po përballen me një realitet gjithnjë e më të ashpër, skandalet qeveritare dhe korrupsioni kanë zëvendësuar qetësinë që pritej gjatë periudhës së verës.
I ftuar në edicionin e pasdites në Ssyri Tv nën moderimin e Armela Ferkos, nën kryetari i PD, Belind Këlliçi u shpreh se taksat e qytetarëve po trajtohen si një pasuri personale nga ana e kreut të qeverisë, ndërsa kulmin sipas tij, Rama e arriti me shpenzimin absurd prej 4.3 milionë eurosh të destinuara për një koncert të reperit Kanye West, me justifikimin e përmirësimit të imazhit të vendit.
Këlliçi u ndal edhe te protesta që po mbahet në bulevard prej 79 ditësh, duke shtuar se, zyrtarë të lartë policorë me të shkuar të dyshimtë dhe përfaqësues të tjerë qeveritarë po përdoren si mekanizma për të shtypur zërin e protestuesve dhe për t'i bullizuar ata publikisht, pa treguar asnjë lloj reflektimi mbi kërkesat e drejta që lidhen me ligjin e investitorëve strategjikë apo zonat e mbrojtura.
Në anën tjetër, nënkryetari i PD tha se vihet re një krizë e thellë në sistemin e drejtësisë. Sipas tij, kreu i Gjykatës së Lartë, Sokol Sadushi, vazhdon të qëndrojë në detyrë përtej afateve ligjore, duke u shfaqur në festat partiake krah kryeministrit, për të dhënë mesazhe sfiduese ndaj atyre që i kërkojnë llogari.
Ky institucion, theksoi Këlliçi, po kthehet në një mur mbrojtës për zyrtarët e lartë të akuzuar për korrupsion, ku pavarësisht dokumentimit të imtësishëm dhe dorëzimit të provave shkresore, institucionet e drejtësisë mbeten të heshtura, duke i lënë shqiptarët të presin me vite të tëra për të gjetur një të drejtë të munguar, në një shtet ku pandëshkueshmëria e pushtetarëve thellohet çdo ditë.
Po të shohësh edhe gjatë verës, kur do të duhej të jetë një periudhë qetësie, një periudhë pauze, kur edhe qytetarët do të duhej të kenë mundësinë të kalojnë më shumë kohë me familjet, të pushojnë, për shkak se jetesa në Shqipëri çdo vit e më shumë për fatin tonë të keq bëhet edhe më e vështirë, skandalet nuk kanë patur të sosur dhe çdo ditë që kalon, për fat të keq lajmet e kronikës, pasiguria në vend, revanshi që krimi ka marrë ndaj qytetarëve, skandalet korruptive nuk kanë të mbaruar. Pra po të marrësh çdo javë dhe të bësh një bilanc në fund të një jave për javën që është mbyllur pas, të vjen keq që po të shohësh që nga java në javë aferat korruptive vijnë edhe thellohen. Paratë e shqiptarëve, çdo ditë shqiptarët marrin vesh që paratë e tyre trajtohen si një buxhet personal, si një pasuri personale e kryeministrit. Të vjen keq që do të duhet të presësh... do të duhet të presësh shirat e rrëmbyeshëm në mënyrë që të shuhen zjarret e tmerrshme që kanë pushtuar vendin nga jugu në veri, në mënyrë që të sigurohet prona dhe jeta e qytetarëve.
Por ndërkohë, nga fondi i emergjencave civile, sikur Edi Rama të mos kishte marrë vetëm në rastin e fundit 4.3 milionë eurot që i dha Kanye West-it, që për turpin tonë kur doli dhe e justifikoi këtë veprim të tij, pra sikur nxori portofolin nga xhepi dhe 4.3 milionë euro vendosi t'ia jepte për të bërë një koncert Kanye Ëest, u shpreh që këtë e bëri për të mbrojtur imazhin e Shqipërisë. Një vendimmarrje qesharake, kur ndërkohë në Kazakistan është anulluar para një jave dhe nuk kanë ndonjë turp, madje janë krenarë kazakët që sigurisht kanë mbrojtur interesin e tyre, kanë mbrojtur paratë e tyre publike. Dhe ne nuk jemi as në nivelin e Kazakistanit. Me një kryeministër që çdo ditë e më shumë i ngjan Boratit, personazhit të famshëm që vinte nga Kazakistani, në atë filmin komedi të jashtëzakonshëm të Sacha Baron Cohen të Hollywood-it. Është një kryeministër i dalë boje. Është një kryeministër që çdo ditë e më shumë turpëron, jo vetëm karrigen e tij, por për fatin tonë të keq turpëron vendin tonë, turpëron Shqipërinë dhe është zhytur thellë në analet e historisë vetëm për keq. Ky është problemi madhor që kanë sot qytetarët shqiptarë.
Ndërkohë që ke një protestë konstante prej 79 ditësh sot, që vijon të mbahet e gjallë, e fortë, aktive, me mesazhe, me një energji të jashtëzakonshme dhe e paprecedentë. Domethënë, kjo protestë kaq e gjatë e përditshme, e pandalshme, është një protestë e paprecedentë. Kemi patur ne protestën para Bashkisë Tiranë, e kemi pas bërë një herë në javë, për 44 javë dhe ajo ka patur një rekord, por kjo është e përditshme dhe është edhe gjatë ditëve të nxehta të gushtit, korrikut. Dhe ju shihni vetë tentativat e Edi Ramës nga ana tjetër, jo vetëm përmes të besuarit të tij, se këtë dua ta bëj publik, më është kërkuar edhe në burime të ndryshme, përmes besmir Qibinit, një nga mercenarët e parë në Policinë e Shtetit, që Edi Rama përmes Saimir Tahirit e katapultoi fillimisht në Komisariatin e Kavajës në vitin 2013 mos gaboj, që për herë të parë hynë edhe rekordet kriminale, u thelluan në Kavajë. Edhe grupet kriminale morën revansh, u intensifikua edhe trafiku i drogës e të tjerë e të tjerë. Ky individ sot është personi i ngarkuar, mos gaboj është shef i komisariatit numër tre, për të goditur, për të dhunuar protestuesit, për të intimiduar protestuesit paqësorë dhe për të shtypur protestën që është në ditën e 79-të.
Por ky nuk është i vetmi. Edi Rama nuk ka lënë mekanizëm, nuk ka lënë figurë qesharake edhe në kabinetin e tij. Blendi Gonxhja. Një njeri që është totalisht i papunë sot, një njeri që të vetmen punë që ka, hyn dhe komenton dhe shan, tallet, bullizon, fyen komentuesit që i komentojnë mendime të ndryshme, ata që mendojnë ndryshe nga Gonxhja apo nga kryeministri Rama. Kështu që Edi Rama nuk po lë levë, nuk po lë mekanizëm, nuk po lë goditje mediatike, nuk po lë ushtarët e tij politikë, mos harroni këtu ka pushuar së funksionuari për dy javë parlamenti, po deri para dy javësh ju kishit Taulant Ballën, që në çdo fjalë të tij për ditë sulmonte dhe anatemone protestuesit në shesh. Pra merreshin me protestuesit kur ndërkohë asnjëherë ti nuk e ke parë këtë qeveri, këtë kryeministër, këtë kabinet të ulet dhe të thotë, ore nga këto kërkesat që kanë këta protestuesit, a mos kanë ndonjë gjë që këta kanë të drejtë, apo a mos kemi ne ndonjë faj tonin, ose a mos ka ardhur momenti për të reflektuar dhe për të patur mundësinë edhe ne për të bërë një hap pas?
Sepse të gjitha ato kërkesa, që në fakt rezonojnë plotësisht me betejat publike më të forta të Partisë Demokratike, që nga ligji për investitorët strategjikë, u bë 5 vite që nuk pushon Partia Demokratike duke folur për këtë çështje, që nga ligji për trashëgiminë kulturore, që nga ligji për zonat e mbrojtura. Partia Demokratike përmes deputetes Ina Zhupa e ka çuar në Gjykatë Kushtetuese edhe të lartë, dhe Partia Demokratike nuk ka rreshtur së foluri për këto problematika, as edhe një moment për të mbrojtur interesin e qytetarëve, dhe ndërkohë na vjen mirë që ajo protestë i ka në fokus të saj kryesor këto çështje, por nga ana tjetër, ti nuk sheh asnjë reflektim, dhe shqiptarët e gjejnë veten përballë një qeverisjeje që sigurisht, as nuk i ka në rrefene qytetarët, dhe nuk i dëgjon. Dhe nga ana tjetër, mua më vjen keq për ta thënë me një drejtësi të kapur.
Tani ke drejtësia dhe këtu dua ta lidh edhe me disa afera të tjera, edhe me aferën e Olsi Ramës sepse institucionet nuk kthejnë përgjigje. U bë 3 javë që ne kemi publikuar një mega aferë së bashku me zotin Berisha, ku kemi faktuar përfshirjen drejtpërdrejt të vëllait të kryeministrit me prestanomet e tij, me Genti Hakën dhe persona të tjerë, tek biznesi i lojërave të fatit, tek kazinoja në stadiumin Air Albania, që dhe vetë dhënia e lejes për kazino në atë ambient që nuk është pjesë e hotelit, është dhënë në shkelje. Kemi faktuar lidhjen, konfliktin e interesit, kemi faktuar një rast unik në botë, ku një pronë është marrë për 320 mijë euro, dhe për 50 ditë është rivlerësuar në vlerën 26 milionë euro. Kemi faktuar skemën se si gjysma e kësaj prone është përdorur për të marrë liçensën, për të transferuar aksionet e pronarit të liçensës së kazinosë në Air Albania, dhe këto institucione, për shembull Sokol Sadushi që duhet të ishte i shqetësuar për këtë, prokurori e posaçme, institucionet e drejtësisë, në vend që të ishin personat që garantojnë drejtësinë për qytetarët shqiptarë, sigurisht, dalin në këto aktivitete jo vetëm për të dalë në krah të kryeministrit. Ajo foto ka një simbolikë shumë të fortë. Njerëzit nuk e dinë. Sot është data 17 gusht. Jemi vetëm 60 ditë para datës së zgjedhjeve që duhet të mbahen në Gjykatën e Lartë.
Dhe ligji e ka, që 60 ditë para datës së zgjedhjeve, kryetari i gjykatës, në këtë rast Sokol Sadushi, ushtari i Edi Ramës këtu, që shpeshherë e kemi parë edhe me shall pionieri të kuq në qafë, duke festuar në datat e rëndësishme të partisë komuniste, duhet të kishte shpallur thotë vakancën për pozicionin e tij. Por çfarë ka ndodhur? Duke qenë se Sokol Sadushi është zgjedhur kryetar i Gjykatës së Lartë në datë 17 tetor të vitit 2023, mandatin e ka tre vjeçar, pa të drejtë rikandidimi. Ai sot do të duhej të kishte shpallur vakancën dhe nga dita e sotme do duhej të kishte pushuar së qeni normalisht, duhet të ishte honorifik, deri në datë 17 tetor, si kryetar i Gjykatës së Lartë. Po pse e bën këtë? Ai del në krah të Edi Ramës për të dhënë një mesazh të qartë, që unë kam mbështetjen e kryeministrit, dhe vijon ta shtyjë me procedurë, vijon të shtyjë jetëgjatësinë e tij në atë funksion, sepse sot nuk ka qytetar të Republikës së Shqipërisë që nuk e di që Sokol Sadushi me nismën e tij të pak muajve më parë sot është kthyer në avokatin më të madh të zyrtarëve të korruptuar. Njeriu që po bën betejën për të liruar Erion Veliajn nga burgu është Sokol Sadushi. Dhe këtë e di çdo qytetar shqiptar, këtë e dinë politikanët, këtë e dinë ambasadat.
Artikuj te sugjeruar
POLITIKE
17 Gusht14:05
Berisha: Aruba është dëshmia më flagrante e narkoshtetit, Skapi është bashkëpunëtor i karteleve të drogës
Kryedemokrati Sali Berisha, deklaroi se situata e kriminalitetit në vend dëshmon bashkëpunimin e shtetit me krimin. Ai akuzoi kryemin...
POLITIKE
17 Gusht14:00
Berisha: Krijohet komisioni “Balla”, viktima e parë do të jetë Niko Peleshi
Sali Berisha ka akuzuar qeverinë se po ushtron presion ndaj përfaqësuesve të saj për qëndrimet që mbajnë n&eum...
POLITIKE
17 Gusht13:41
Lubonja: Protesta shpreh zemërimin e akumuluar, nevojitet bashkimi për ndryshim politik dhe kulturor
Publicisti Fatos Lubonja ka komentuar protestën, arsyet që, sipas tij, kanë sjellë reagimin qytetar dhe nevojën për një ndr...
POLITIKE
17 Gusht11:33
Aktivisti i njohur: Zvërneci mund të trondisë skenën politike amerikane
Në një deklaratë për Albania Newscast, aktivisti Gary Kokalari tha se nëse Dhoma e Përfaqësuesve kalon në duart e demo...
POLITIKE
17 Gusht11:23
“Siguria e pushuesve nuk mund t’i lihet rastësisë”/ Koçeku kërkon hetim të thelluar për zjarrin në hotelin në Vlorë
Deputetja Marjana Koçeku, e njohur si “Neomalsorja” ka reaguar pas zjarrit të rënë në orët e para të mën...
POLITIKE
17 Gusht09:09
Protesta kundër qeverisë hyn në ditën e 79-të/ Qytetarët zbresin sërish sot në shesh, kërkohet dorëheqja e Ramës
Sot mbahet protesta e 79-të e qytetarëve shqiptarë, të cilët kanë kërkuar dorëheqjen e kryeministrit Edi Rama. Ata do ...
POLITIKE
16 Gusht20:18
Protestuesi i revoltuar: Rama dha 4.2 mln euro për tallava, por zjarrfikëset janë të kohës së ‘qepës’
Një qytetar deklaroi nga protesta e sotme se si kryeministri Edi Rama e ka humbur legjitimitetin politik, ndërsa akuzoi qeverinë për largimi...
POLITIKE
16 Gusht19:54
78 ditë raportim i pandërprerë i protestës/ Protestuesi nga Italia: Besoj se rinia do të krijojë qeverinë e duhur
Një emigrant nga Italia ka deklaruar se ai ka ardhur për herë të dytë në protestë pasi vendi është pushtuar prej 36...
POLITIKE
16 Gusht19:21
Alimehmeti: Rama po centralizon pushtetin, reforma territoriale bëhet për interesa elektorale
Anëtari i Kryesisë së PD-së, Ilir Alimehmeti, në një intervistë për Syri TV me gazetarin Edvin Parruca, deklaroi se ndry...
POLITIKE
16 Gusht18:29
Shqiptarët 3 muaj protesta për varfërinë, Gonxhja i Ramës provokon sërish: 3 mln euro ne i japim për një panair
Ndërsa prej tre muajsh shqiptarët dalin në shesh duke protestuar për ekonominë, çmimet, varfërinë dhe mënyrë...
