Teksa largohej nga mbledhja e ditës së parë me ministrat në Pogradec, kryeministri Edi Rama u afrua i ngrysur tek Mercedesi Benz S-Class, ...
POLITIKE
Pensionistët përdoren për propagandë/ Luan Baçi: Një rrugë me çakull shitet si adhurim ndaj Ramës
PiranjatPërditësimi i fundit 24 Gusht 2026, 18:09
Deputeti PD-së, Luan Baçi, ka reaguar me tone të ashpra përmes një statusi publik ndaj mënyrës se si qeveria prezanton takimet e Edi Ramës me pensionistët.
Baçi ironizon pensionistët që udhëtojnë me orë të tëra dhe presin në vapë për të takuar kryeministrin, ndërsa kritikon edhe mediat që i pasqyrojnë këto takime si momente emocionale dhe mbështetje popullore për Ramën.
Sipas Baçit, këto skena janë pjesë e një propagande të orkestruar për të krijuar idenë se “populli e do Ramën”, ndërsa qytetarët përballen me probleme ekonomike dhe sociale.
Reagimi i plotë:
Ka vënë në garë pensionistët e mjerë, që të shprehin dashurinë e pakufishme për udhëheqësin e tyre të “lavdishëm”!
Njëri bën 5 orë rrugë, i lodhur dhe i rraskapitur, pret me orë të tëra në vapë ta takojë dhe falënderon udhëheqësin, se i paska shtruar një rrugë këmbësorësh me çakull.
Mediat e “pavarura” e intervistojnë disa orë para dhe takimi i shumëpritur realizohet, me shumë emocione, përmallim dhe lot në sy.
Pensionistit tjetër, po i realizohet ëndrra e jetës, do ta prekë pak ku të mundet më në fund udhëheqësin, do ta përqafojë dhe pastaj jeta nuk i duhet më… preferon të vdesë pas këtij takimi. Gjë që nuk ndodhi pas takimit, por s’e dimë për kë e kishte fjalën.
Një i tretë, pensionist patronazhist, me biografi të mirë, ishte më serioz, kritikonte qytetarët që marrin pjesë në protesta… dhe e donte Ramën me gjithë zemër.
Një tjetër, më i lodhur akoma, i gjori e dinte për president Ramën, në fakt mirë e kishte, se de facto ai është.
Ja pra, ku qëndron problemi këtu? Populli e do Ramën!
Vazhdojnë talljen me shqiptarët, vazhdojnë vjedhjet, grabitjet dhe propagandën bajate dhe të shpifur.
