Një tjetër protestë qytetare është thirrur këtë të hënë, më 27 korrik, përpara Parlamentit, me thi...
POLITIKE
Përmbytjet masive në vend/ Binaj: Vendin e specialistëve e kanë zënë të paaftët
PiranjatPërditësimi i fundit 6 Janar 2026, 22:06
Aktivisti Florjan Binaj, ka komentuar këtë të martë përmbytjet masive që u regjistruan në vend si pasojë e reshjeve masive të shiut. Binaj është shprehur ndër të tjera se situata kaotike është shkaktuar pasi sipas tij janë futur në punë persona të paaftë që nuk janë specialistë për kanalizimet apo urbanistikën.
Ai thotë se shteti në vend që të punësojë specialistët, fut në punë persona që sjanë të profilit duke shkaktuar kaos në menaxhimin e situatave të tilla.
“Këto që po ndodhin nuk duhet t’i quajmë fatkeqësi natyrore. Këto janë fatkeqësi njerëzore dhe janë totalisht të shmangshme, por nëqoftëse ne i bëjmë qytetet, të marr një rast të krahasuar si të dali një njeri para një ujëvare, të hapi gojën, të fusi gjithë ujin e ujvarës në trup dhe të presi që fshikëza e tij të përballojë gjithë ujin dhe të dali.
Kjo kjo nuk ka sens, nuk mund të ndodhi. Dhe përveç kësaj, në 30 vitet e fundit ka humbur simbioza midis arkitekturës dhe urbanistikës. Nuk ka më simbiozë. Unë nuk kam dëgjuar më të vijnë urbanistë të famshëm ndërkombëtarë. Këtu vijnë vetëm arkitektë të famshëm ndërkombëtarë, me disa projekte që kur ne ishim studentë në arkitekturë po t’i bënim ne ato, do na kapnin për veshi profesorët e do na nxirrnin jashtë”, tha Binaj.
“Nnë këto 30 vite në vend që të mbajmë në pëllëmbë të dorës ata specialistë të të gjitha profesioneve, ne i kemi larguar dhe kemi marrë këta njerëzit e paaftë se kanë kosto më të vogël dhe dinë të thonë “PO” edhe atëherë kur s’duhet. Ndërkohë që një profesionist di të thotë “JO”.
Nëqoftëse një specialist dikur bënte gabim, e hiqnin nga puna dhe nuk hapte më asnjë derë. Këta që janë të paaftë, që edhe te Temu do kishim gjetur ndonjë më të hajrit, i heqin nga një institucion dhe i fusin te një tjetër dhe vazhdon çdo gjë siç ka qenë nga fillimi”, shtoi Binaj.
