Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Përplasje mes Bardhit dhe Peleshit në Kuvend: Ky precedent nuk i vlen askujt, si mund ta bllokosh Kuvendin
PiranjatPërditësimi i fundit 20 Korrik 2026, 17:21
Deputeti i PD-se Gazmend Bardhi ka kërkuar gjatë seancës së sotme plenare ndryshimin e rendit të ditës, duke propozuar që raportimi i Avokatit të Popullit të kalojë në fund të seancës. Sipas tij, opozita nuk synonte të bllokonte punimet e Kuvendit, por kërkonte që fillimisht të shqyrtoheshin raportimet e institucioneve të tjera, si KLGJ, KLP, Prokurori i Përgjithshëm dhe Inspektori i Lartë i Drejtësisë. Bardhi akuzoi mazhorancën se po provokonte opozitën dhe po përpiqej të pengonte zhvillimin normal të seancës.
Kryetari i Kuvendit Niko Peleshi e kundërshtoi këtë kërkesë, duke thënë se ishte opozita ajo që po mbante peng Kuvendin dhe po shkelte rregulloren. Peleshi theksoi se rendi i ditës nuk mund të ndryshohej pas disa orësh zhvillim të seancës dhe shtoi se çdo vendim i Gjykatës Kushtetuese do të respektohej nga Kuvendi.
Në përfundim, Peleshi hodhi në votim propozimin e bërë nga Taulant Balla për shtyrjen e pikave të mbetura të rendit të ditës. Propozimi u miratua me 76 vota, duke bërë që seanca plenare të shtyhet dhe të vijojë të enjten.
“Ai nuk do raportojë dot në Kuvend. Hiqni dorë nga skenarët e bllokimit ë opozitës. Ju doni ta bojkotoni këtë seancë dhe seancën tjetër. Le të vazhdojmë me KLGJ, KLP, Prokurorin e Përgjithshëm, ILD dhe në fund Avokatin e Popullitpo të doni dëgjojeni po ai nuk do raportojë dot. Thjesht kërkojmë ndërrimin e rendit të ditës, lëreni për në fund.
Nëse doni ta bojkotoni opozitën dhe ta prishni seancën, por ju po provokoni në çdo moment opozitën”, tha Bardhi.
“Ky precedent nuk i vlen askujt, si mund ta bllokosh kuvendin. Të kërkosh rendin e ditës së përcaktuar pas 7 orësh seancë nuk ka kuptim. Nëse është i ligjshëm apo i paligjshëm ai këtë e shpallin gjykatat, shumë mirë që e keni çuar në Gjykatën Kushtetuese, nëse do ishte marrë vendim pezullimi ne do e zbatonim, përfshi dhe unë, absolutisht. Do respektohet vendimi i Gjykatës Kushtetuese. Unë marrë të bazuar kërkesën e zotit Balla për shtyrjen e pikave të rendit për në seancën tjetër, pra shtyrjen e tyre. Kuvendin po e mbyllni ju që po e mbani 7 orë peng. Kush është dakord me propozimin për shtyrjen e seancës në datën 23 të pikave të rendit të ditës”, tha Peleshi.
