L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
POLITIKE
Pjesë e garës për Avokatin e Popullit/ Hysaj: Misionet publike nuk mbyllen me një proces, rruga ime vazhdon
PiranjatPërditësimi i fundit 16 Dhjetor 2025, 18:01
Jola Hysaj, ka folur për rrugëtimin e saj si pjesë e kandidaturës për Avokatin e Popullit. Përmes një postimi në rrjetin social Facebook, Hysaj është shprehur se është shumë krenare që ishte pjesë e kësaj kandidature. Ajo tha se është krenare për standardin, qasjen dhe për mënyrën se si e përballoi këtë proces.
Hysaj tha se ka momente në jetë që nuk maten me numra, por me kuptimin dhe me vlerën e asaj që përfaqëson dhe ky ishte një prej tyre. Gjatë këtij rrugëtimi ajo shkruan se ka përjetuar vlerësim, mbështetje dhe përgjegjësi. Në fund, Hysaj tha se misionet publike nuk mbyllen në një proces të vetëm dhe nuk përcaktohen nga një moment teknik, por nga karakteri, qëndrueshmëria dhe besimi i ndërtuar në kohë.
"Ka momente në jetë që nuk maten me numra, por me kuptimin dhe me vlerën e asaj që përfaqëson. Ky është një prej tyre. Në këtë proces u fol shumë për numra. Procedura kërkonte 28, por 27 mbetet numri im. Dhe për mua, 27 është një numër me fat, sepse përfaqëson mbështetjen reale, respektin dhe besimin e njerëzve që e njohin punën time. Gjatë këtij rrugëtimi u shkrua dhe u komentua për mua, edhe nga gazetarë me përvojë, të cilët zgjodhën të gjykojnë pa marrë mundimin të njohi historinë time, rrugën time dhe punën e ndërtuar ndër vite. Kjo është pjesë e realitetit publik dhe nuk e ndryshon thelbin.
Por përtej kësaj, kam përjetuar diçka shumë më të fortë: vlerësim, mbështetje dhe përgjegjësi. Mbështetje nga familja, miqtë, profesionistët, qytetarët dhe simpatizantët e të gjitha bindjeve politike. Kjo mbështetje më ka bërë edhe më të qartë dhe më të motivuar për të vazhduar. Sepse misionet publike nuk mbyllen në një proces të vetëm dhe nuk përcaktohen nga një moment teknik, por nga karakteri, qëndrueshmëria dhe besimi i ndërtuar në kohë. Jam krenare që isha kandidate për Avokatin e Popullit. Krenare për standardin, për qasjen dhe për mënyrën se si e përballova këtë proces. Rruga ime vazhdon, me qetësi dhe vendosmëri, përtej palëve dhe përtej zhurmës, në shërbim të interesit publik. Faleminderit nga zemra, Jola Hysaj" shkruan Hysaj.
