“Po flas për ata anëtarë të PS që ishin në protestë”, Rama ndryshon strategji me protestuesit, përgatit fjalimin live nga bulevardi

Kryeministri Edi Rama ka publikuar një video në rrjete sociale, teksa dëgjohet në kor thirrja e protestuesve “Rama jepe dorëheqjen”. Rama e ka realizuar videon teksa jashtë zyrës së tij mbahej protesta, e cila vijon prej disa javësh, teksa njoftoi se nesër do të ndajë një reflektimin mbi “pasqyrën e bulevardit të flamingove” dhe se sipas tij “ajo që ka mbetur i përket sorrave e korbave”.

“Përshëndetje, nuk e di a e dëgjoni, kjo është kënga ime e preferuar. Jam duke shkruar nesër fjalimin për mbledhjen e Grupit Parlamentar dhe Qeverisë. Dhe desha të ndaj me ju një moment, se ky kor “Rama jepe dorëheqjen” më ekzalton.

Shihemi nesër paradite, nuk e di orën e saktë, mbledhja fillon në orën 9 e gjysëm. Do të ishte kënaqësi të ndaja me ju të gjithë reflektimin tim mbi pasqyrën mbi bulevardin e flamingove, ai që ishte, se ky që ka mbetur është i sorrave dhe korbave”, thotë Rama.

Ndërkohë krahas deklaratës së tij, Rama ka zbuluar edhe një pjesë të fjalimit që do të mbajë nesër.