Presidenti Begaj dekreton marrëveshjen e huasë me SHBA
Presidenti i Republikës, Bajram Begaj, ka dekretuar marrëveshjen e huasë direkte prej 302 milionë dollarësh me Shtetet e Bashkuara të Amerikës, në kuadër të financimit të jashtëm ushtarak (FMF) për fushën e mbrojtjes.
Marrëveshja është pjesë e financimit të jashtëm ushtarak amerikan (Foreign Military Financing – FMF), i cili synon mbështetjen e kapaciteteve mbrojtëse të Shqipërisë dhe forcimin e bashkëpunimit strategjik me SHBA-në në fushën e sigurisë.
Në dekretin e tij, Presidenti Begaj ka dhënë gjithashtu pëlqimin për hyrjen në fuqi menjëherë të këtij ligji.
Dekreti i Kreut të Shtetit:
Në mbështetje të nenit 84, pika 1 dhe 4, dhe nenit 93 të Kushtetutës,
Shpalljen e ligjit nr. 91/2026, “Për ratifikimin e marrëveshjes së huas direkte ndërmjet Republikës së Shqipërisë, përfaqësuar nga Ministria e Financave, dhe Shteteve të Bashkuara të Amerikës, përfaqësuar nga Agjencia e Bashkëpunimit për Sigurinë e Mbrojtjes (DSCA), në kuadër të financimit të jashtëm ushtarak (FMF)”.
Dhënien e pëlqimit për hyrjen në fuqi menjëherë të ligjit nr. 91/2026, “Për ratifikimin e marrëveshjes së huas direkte ndërmjet Republikës së Shqipërisë, përfaqësuar nga Ministria e Financave, dhe Shteteve të Bashkuara të Amerikës, përfaqësuar nga Agjencia e Bashkëpunimit për Sigurinë e Mbrojtjes (DSCA), në kuadër të financimit të jashtëm ushtarak (FMF)”.
Lexo edhe
POLITIKE
Përlotet qytetarja e ardhur nga Parisi: Si do të na tretë dheu eshtrat me këtë që po i bëjnë kombit?
Protestuesi thirrje shqiptarëve: Dilni nga shtëpitë! Ejani në protestë për sigurinë, spitalet, ekonominë....
“Poshtë qeveria”/ Protestuesit i shkojnë Ramës te Kryeministria: I pabesë!
Protestuesi nga Gjermania: Po mbledhim firma për ta shpallur Ramën të rrezikshëm
'Rama jepe dorëheqjen!' Sheshi Skënderbej' plot në ditën e 63-të të protestës! Kanë ardhur dhe nga diaspora
