Kryetari i Grupit Parlamentar të Partisë Demokratike, Gazment Bardhi, ka akuzuar qeverinë për aferë korruptive lidhur me TEC-et lundr...
POLITIKE
“Proces farsë me dëshmitarë qesharakë”/ Rama: Do të takohem me ish-Presidentin Thaçi
PiranjatPërditësimi i fundit 18 Dhjetor 2025, 09:33
Kryeministri Edi Rama ka bërë me dije se do të vizitojë në Hagë Hashim Thaçin. Në një lidhje live në rrjetet sociale, Rama shprehet se shkeljet e standardeve dhe të drejtave të njeriut, normave të procesit gjyqësor janë e vetmja normë që ka karakterizuar farsën, ku ish-presidenti dhe 3 ish krerërt e UÇK-së, mbahen në qeli.
Rama: Pas disa do të takoj ish-presidentin e Republikës së Kosovës që u mor nga zyra e tij dhe mbahet peng në një qeli të drejtësisë ndërkombëtare për turpin e madh të të gjithë atyre që sponsorizojnë atë lloj drejtësie ku shkeljet e standardeve të të drejtave të njeriut, apo të të gjitha normave të procesit gjyqësor që ka karakterizuar këtë farsë, një president i zgjedhur na populli sa bashku me 3 bashkëluftëtar që ka mbulua detyra më të rëndënsishme mbahen të izoluar. Tani që ka mbaruar ekspozeja e pseudo-provave të akuzës dhe parada e dëshmitarëve qesharake dhe dëshmitë tejet serioze të dëshmitarëve të mbrojtjes pritet vendimi. Uroj që viti i ardhshëm të jetë viti i mbylljes së këtij teatri absurd të drejtësisë ndërkombëtare.
Të reflektojmë mbi standardet e ulëta dhe nivelin shumë nën vijat e kuqe të një drejtësie, kur e vetmja gjë që bënë luftëtarët ishte të mbronin lirinë dhe kërkuan të drejtën të jetonin si të barabartë. Kjo është e vërteta dhe këtë të vërtetë nuk e tund dot askush, e jo më një çekiç absurd i një drejtësie ndërkombëtare që në këtë raste ka lënë kokrrën e namit. Dua shumë të besoj që në fund e drejta do të fitojë. Këtu nuk ka 2 apo 3, por vetëm një të drejtë. Ajo përjetësuar me gjakun e martirëve dhe dhimbjet e grave, e nënave të përdhunuara e sakatuara gjatë një periudhe nga më të zymtat në zemër të Europës.
