“Topi i Artë” këtë sezon është një dilemë shumë e madhe, pasi është e vështirë të...
POLITIKE
“Projekti i Shqipërisë pa opozitë ishte turpi i tyre”/ Berisha nga protesta: Sot në kilometrin e fundit jemi më të fortë se kurrë
PiranjatPërditësimi i fundit 24 Janar 2026, 18:35
Nga protesta kombëtare para kryeministrisë, kreu i Partisë Demokratike, Sali Berisha tha se sot kjo parti është më e fortë se kurrë dhe se tashmë opozita është në kilometrin e fundit të fitores.
"Ishin vitet e një përballje të egër me regjimin e Ramaduros, biri i një xhelati. Ai bëri gjithçka, përdori burgjet, manipulimet, lobimet e korruptuara dhe ja jemi më të fort se kurrë sot. Në udhëtimin tonë i dëshmuam shqiptarëve se projekti i Shqipërisë pa opozitë ishte turpi i tyre. Ne të gatshëm për çdo çmim kurrë nuk do ta pranonim. U dëshmuam shpresa e vetme e sigurt e shqiptarëve. Sot në kilometrin e fundit jemi më të fortë se kurrë. Sot jemi mbledhur në këtë protestë madhështore", tha Berisha midis të tjerash.
Pjesë nga fjala:
Të dashur shqiptare dhe shqiptarë kudo që ndodheni sonte. Përshëndetjet e mia më të përzemërta për ju, misionare dhe misionarë të pamposhtur dhe guximtarë të kombit shqiptar, të pranishëm sonte në këtë shesh beteje dhe për të gjithë shqiptarët kudo që janë. Të nderuar drejtues të PD, partive aleate, të nderuar deputetë të pranishëm në këtë protestë. Vëllezër dhe motra. Do ta nis këtë fjalë me një mesazh që këtë javë, të tmerruar nga protesta jonë e kaluar, mediat e qeverisë bënë gjithçka ta vendosin në harresë. Mesazhi im është ky, sot ne jemi në kilometrin e fundit, me ndihmën e Zotit asgjë nuk do na ndalë drejt fitores tonë. Sot ne jemi para triumfit të madh, shumëkujt triumfi mund t’i duket ende larg kur sheh udhëkryqin në të cilin ndodhet Shqipëria. Por miqtë e mi, opozita që kemi bërë së bashku vitet e fundit ka qenë pa dyshim maratonë jo e lehtë. Thuaj një kalvar maratonë e mbushur me dhunën e narkoshtetit, presione dhe izolime oruelliane ndaj nesh, por edhe një qëndresë stoike, sakrifica të dhimbshme nga ne. Ishin vitet e një përballje të egër me regjimin e narko-diktatorit Ramaduro, biri i një xhelati që firmoste varjen e kundërshtarëve politikë dhe që përdori të gjitha mënyrat për realizimin e projektit të tij, Shqipëria pa opozitë. Ai bëri gjithçka, përdori burgjet, manipulimet, lobimet e korruptuara, por ja ku jemi sot, më të fortë se kurrë. Në udhëtimin tonë, që në kilometrat e parë, ne u dëshmuan shqiptarëve dhe botës, se projekti i Shqipërisë pa opozitë apo kallp opozitë, ishte turpi i tyre, ishte turpi i historisë, që ne kurrë nuk do ta pranonim kurrë, të gatshëm për çdo çmim. Në këtë udhëtim ne u ngritëm si Feniksi nga hiri dhe nga izolimi më i thellë arritëm në kilometrin e fundit si forca politike më e mbështetur nga shqiptarët dhe partitë simotra në mbarë botën. Arritëm në kilometrin e fundit pasi plagosëm për vdekje bishën narkodiktaturë dhe u dëshmuam shpresa e vetme e shqiptarëve. Zoti u bekoftë!
