Dy punonjës policie janë pezulluar nga detyra pas vrasjes së 20-vjeçarit portugez Luis Miguel Varela Mendes në Ksamil. Konkretisht ...
POLITIKE
Propozimi për bashkimin e Maliqit me Korçën, flet kryebashkiaku Topçiu: S’duhet të qajmë hallin e kryetarit, por shërbimet për qytetarët
PiranjatPërditësimi i fundit 18 Gusht 2026, 15:02
Kryetari i Bashkisë së Maliqit, Gëzim Topçiu, ka reaguar për herë të parë lidhur me propozimin e përfshirë në projektligjin për reformën e re territoriale, i cili parashikon bashkimin e Bashkisë së Maliqit me atë të Korçës.
Topçiu u shpreh se ende mbeten të paqarta detajet se çfarë do të sjellë konkretisht ky ndryshim për sa i përket statusit të qyteteve, kompetencave, financave dhe investimeve në territor.
Ai sqaroi se nuk bëhet fjalë për një shkrirje, por për një bashkim ku Maliqi do të ruante strukturën e tij të brendshme pa u varur drejtpërdrejt nga Korça për njësitë administrative.
Gjithashtu, kryebashkiaku bëri të ditur se po përgatit një material zyrtar me qëndrimet dhe vërejtjet e tij teknike lidhur me draftin, të cilin do t'ia përcjellë Kuvendit të Shqipërisë, duke nëvizuar se reforma kërkon domosdoshmërisht ndryshime paralele në ligjin për pushtetin vendor dhe financat me qëllim që shërbimet ndaj qytetarëve të mos vështirësohen.
"Për mua nuk duhet parë bashkia, pozicioni, ky organizim si një moment që duhet të qajmë hallin e një kryetari bashkie.
Por unë mendoj që duhet të shikojmë sa shërbimet ndaj njerëzve venë më afër, sa u zgjidhen më lehtë, sa Maliqi do të ecë jo me këtë ritëm që ka ecur tani, po do të ecë më mirë, sa investime do të marrim më shumë," theksoi Topçiu.
