16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Protesta e 102-të kundër Ramës, qytetarët sërish në rrugë: Ju erdhi fundi
PiranjatPërditësimi i fundit 9 September 2026, 19:27
Protesta kundër qeverisë së Edi Ramës hyn sot në ditën e 102-të, me qytetarët që pritet të mblidhen sërish në Sheshin “Skënderbej” dhe më pas të marshojnë drejt Kryeministrisë.
Prej më shumë se tre muajsh, tubimet vijojnë rregullisht në Tiranë, ndërsa ajo që nisi si një reagim ndaj zhvillimeve në Zvërnec është shndërruar në një protestë me kërkesa politike, në qendër të të cilave është dorëheqja e kryeministrit Edi Rama. Protestuesit kanë dalë në rrugë me flamuj kuqezi dhe pankarta, duke kërkuar ndryshim politik. Në tubime janë parë qytetarë të grupmoshave dhe profesioneve të ndryshme, nga të rinjtë dhe studentët te pensionistët, aktivistët dhe profesionistët.
Në fokus të protestave janë pesë kërkesa, mes të cilave dorëheqja e Edi Ramës, krijimi i një qeverie teknike dhe ndryshime kushtetuese. Marshimet kanë vijuar përgjatë akseve kryesore të kryeqytetit, ndërsa protestuesit kanë ndaluar edhe pranë institucioneve të rëndësishme, përfshirë Kuvendin, ku kanë adresuar mesazhe dhe thirrje ndaj deputetëve.
Gjatë 101 protestave të mëparshme, nuk kanë munguar as thirrjet kundër qeverisë dhe mazhorancës. Ndër sloganet e përsëritura janë: “Rama, jep dorëheqjen”, “Edi Rama, o tradhtar, me Shqipërinë mos bëj pazar”, “Pa rini nuk ka Shqipëri”, “Poshtë patronazhistët”, “Shqipëria kërkon revolucion” dhe “Ju erdhi fundi”.
Protesta e sotme pritet të vijojë me të njëjtin itinerar, nga Sheshi “Skënderbej” drejt Kryeministrisë, ndërsa qytetarët do të përsërisin kërkesat e tyre për ndryshim dhe largimin e qeverisë Rama.
