Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
‘Protestuam paqësisht, policia na dhunoi’- Aktivistja: Shefat kriminelë japin urdhra kundër qytetarëve
PiranjatPërditësimi i fundit 4 Shtator 2026, 20:30
Aktivistja Arvina Lleshi foli sot në protestën e 97-të qytetare kundër qeverisë Rama, pas lirimit të saj nga qelia së bashku me 13 protestues të tjerë. Lleshi u arrestua pasi 3 netë më parë, protestuesit bllokuan daljen e kryeministrisë, që Rama të mos dilte dot nga zyra.
Ajo u shpreh sot se shefat e policisë janë kriminelë, që japin urdhra kundër qytetarëve të thjeshtë.
Aktivistja: Polici, këtu na ke, ti mbron krimin e jo ne! Polici, këtu na ke, ti mbron krimin e jo ne! Polici, këtu na ke, ti mbron krimin e jo ne! Polici, këtu na ke, ti mbron krimin e jo ne!
Po e hap fjalën time me thirrjen që bëra më parë, për shkak se unë u arrestova nga urdhri i shefit të krimit, Ervin Hasrama. Po protestoja paqësisht pranë Kryeministrisë, kur ai erdhi dhe i dha urdhër vartësve të vet, duke u thënë, "kapeni këtë vajzën dhe arrestojeni". Që në fakt, ky arrestim ishte i paligjshëm dhe u vendos sot nga Gjykata e Tiranës. Jo vetëm për mua, por për 14 protestues në total. Nëse mendoni, ose keni menduar që mund të na intimidoni me forma të tilla presioni, me arrestime, me shoqërime, po jua them publikisht që nuk ia dilni dot! Jam këtu për t'ju thënë që unë, si çdo protestues tjetër, do dal çdo ditë në protestë, për sa kohë kjo protestë është paqësore dhe i shërben vetëm të drejtave tona. Kemi qenë duke protestuar paqësisht. As nuk kemi dhunuar policinë, as nuk i kemi ofenduar, përveçse kemi bërë protestën si çdo natë, dhe thirrjet si çdo natë tjetër.
Ajo shton se policia sot ndodhet në gjendje të mjerueshme, teksa vetë punonjëst e policisë ankohen për pagat, orët shtesë dhe uniformat.
Aktivistja: Policia, nëse nuk është polici e krimit, nuk ka pse të ndihet e ofenduar nga thirrjet që bëjnë protestuesit. Diçka tjetër që dua të shtoj, është se Policia e Shtetit është në gjendje të mjerueshme. Nga të gjitha bisedat që kam bërë me policët përgjatë këtyre ditëve, ata ankohen për pagat, ankohen për orët shtesë, ankohen për uniformat e për çdo gjë tjetër. Ndërkohë, këta shefat kriminela, u japin urdhra për të arrestuar qytetarët e thjeshtë. Gjithashtu dua të falënderoj të gjithë qytetarët të cilët na janë gjetur pranë, si familjarëve tanë por edhe te blloku i sigurisë. Ju kemi dëgjuar dhe ju falënderojmë shumë për çdo lloj mbështetje që na keni dhënë. Dua ta mbyll me thirrjen që e hapa: Polici, këtu na ke, ti mbron krimin e jo ne! Polici, këtu na ke, ti mbron krimin e jo ne!
Polici, këtu na ke, ti mbron krimin e jo ne! Polici, këtu na ke, ti mbron krimin e jo ne!
