16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Protestuesi: Kush është shqiptar, nëse ka gëlltitur atë lugën e çorbës, dilni në sheshet e lirisë, që të mbrojmë shtetin shqiptar
PiranjatPërditësimi i fundit 9 September 2026, 20:01
Protesta qytetare në Tiranë ka bërë bashkë qytetarët për 102 ditë radhazi. Gjatë grumbullimit dhe organizimit të protestuesve në sheshin Skënderbej një protestues ka shprehur indinjatën e tij në lidhje me ndërhyrjen e forcave policore, duke thënë se edhe në rast se efektivët nuk e njohin ligjin duhet të ketë kulturë njerëzore.
Sipas tij, nga mënyra e ndërhyrjes po provokohet një formë dhune e cilësuar nga ana e tij si joproporcionale. Ai i ka bërë thirrje të gjithë shqiptarëve që të marrin pjesë në tubim.
“Në rast se polici nuk e njeh ligjin, duhet të ketë kulturë njerëzore. Vezë po u gjuhen presidentëve më të mirë të kësaj bote, vezë e domate, e jo plumba. Këta, nëse reagojnë ndaj kësaj proteste paqësore, duan të provokojnë dhunë.
Kjo protestë nuk do të derivojë në dhunë. Kam një thirrje: kush është shqiptar, nëse ka gëlltitur atë lugën e çorbës, dilni në sheshet e lirisë, që të mbrojmë shtetin shqiptar.
Shqipëria ka vend jo për 2 milionë shqiptarë, por për 20 milionë. Dhuna që kanë bërë dje ka qenë joproporcionale. Unë dal vetëm që t’u jap kurajo, për të dhënë thirrje për tolerancë. Ata policë, ata barkmëdhenj, janë antishqiptarë.”, tha ai.
