Protestuesi nga Gjermania: Po mbledhim firma për ta shpallur Ramën të rrezikshëm

Një protestues nga diaspora ka deklaruar se i është bashkuar protestës sepse në Shqipëri nuk ka asnjë kusht dhe nuk ka ndryshuar në më shumë se një dekadë.

Ai tha se kërkojnë dorëheqjen e Ramës dhe në Gjermani ka nisur një peticion për ta shpallur Ramën të rrezikshëm.

“Kërkoj të drejtat e të gjithë shqiptarëve, të gjithë duhet të çohen sepse çmimet janë shumë të larta.

Prej 25 vitesh jetoj në Gjermani ekonomia është skëterrë, në Gjermani rroga mesatare 1500 euro dhe 1 kg oriz është 80 cent.

Shumë njerëz në Gjermani kanë bërë thirrje se Rama është i rrezikshëm, nëse presim vendi do të shitet. Nuk po shohim asnjë ndryshim, s’ka ujë. Në Kamëz blejnë ujë me bot, s’ka ujë, s’ka shkolla, s’ka rrugë dhe siguri.
Lëreni popullin të lirë dhe largohuni’, tha ai.