“PS të mbledhë mendjen”/Mesazhi i fortë i Spiropalit në kulmin e protestave: Duhet të vetëpastrohet

Teksa protestat kundër qeverisë vijojnë prej ditësh dhe kritikët kërkojnë përgjegjësi politike, Elisa Spiropali, ka publikuar një mesazh ku flet për nevojën e reformimit dhe “vetëpastrimit” të Partia Socialiste e Shqipërisë.

Në reagimin e saj, Spiropali shprehet se për të realizuar “Marrëveshjen e Re për Shqipërinë”, PS duhet “të mbledhë mendjen” dhe “të vetëpastrohet”, duke u bërë më dinamike, më demokratike dhe më kompakte.

Ajo përdor edhe një gjuhë të fortë kritike ndaj fenomeneve që, sipas saj, duhen lënë pas, kur thotë se partia duhet të mbetet “gjithmonë e pastër, pa smërçe, pa ndryshqe, pa pehlivanllëqe”.

Deklarata vjen në një moment kur protestuesit në Tiranë po artikulojnë akuza për korrupsion, papërgjegjshmëri politike dhe nevojë për ndryshim, çka ka bërë që mesazhi i Spiropalit të lexohet edhe si një thirrje për reflektim brenda radhëve socialiste.