Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
POLITIKE
"Pushteti im është fjala e lirë"/ Lubonja i përgjigjet Ramës: Akuza ndaj meje, e dobët dhe e çalët
PiranjatPërditësimi i fundit 20 Qershor 2026, 16:52
TIRANË- Analisti Fatos Lubonja ka reaguar pas deklaratave të kryeministrit Edi Rama. I ftuar në një intervistë në News24, Lubonja deklaroi se tentativa e kryeministrit për ta bërë atë si “persekutor” është e dobët dhe e çalët.
Lubonja u shpreh më tej se Rama ka në dorë të gjitha pushtetet, ndërkohë që ai ka vetëm pushtetin e fjalës së lirë. Më tej, Lubonja tha se ia ka bërë të qartë Ramës kur ai sapo ishte bërë kryetar bashkie i Tiranës, se ishte i rrezikshëm për politikën, vendin dhe veten e tij.
“Kjo akuza për të më bërë mua persekutor si ata të së kaluarës është e dobët dhe çalon shumë sepse ata ishin njerëz që kishin pushtet, policinë e sigurimin dhe ne ishim të dobët e të pafuqishëm. Ndërkohë që sot është e kundërta, pushtetin e ka ky zotëria. Ka policinë, të gjitha. Unë kam forcën dhe pushtetin e fjalës së lirë, kështu që të më krahasosh e ata është i dobët dhe nuk qëndron. Unë thjesht kam bërë detyrën time ti intelektual e gazetar duke ngritur problemet. Ia kam thënë që kur u bë kryetar bashkie që je i rrezikshëm, duhet të ikësh nga politika.
Je i rrezikshëm edhe për politikën dhe për vendin, por edhe për veten tënde.“, tha Lubonja.
